 討論區主頁 粵講粵樂
【粵語天地】「貓」真系唔簡單 | 無發表權 |
| 樹狀顯示 | 新的在前 | 前一個主題 | 下一個主題 | 頁尾 |
| 發表者 | 討論內容 |
|---|---|
| xxkai | 發表時間: 2012-07-27 13:43 |
開始0係青韻的常客喇。   註冊日: 2010-05-13 來自: 發表數: 160 |
【粵語天地】「貓」真系唔簡單 「踎低」個「踎」嘅本字原來系「貓」，因為「貓」好鐘意「踎」，後來引申到「彎腰」也叫「貓腰」，北方人用俗字「毛腰」表示「貓腰」，即「彎腰」。
「出貓」即系「作弊」，考試唔識唔使放狗，放隻「貓」就乜問題都解決嗮嘞。有冇人知道「出貓」嘅出處哩？ 「行貓步」即系「Catwalk」、「時裝表演」，又叫「走秀」。爾隻貓識英文。系「金絲貓」。 「貓咗」形容「醉咗」。我恁「貓咗」系出自「醉貓」一詞。除咗「踎」之外，又多個用「貓」嘅動詞。 「賴貓」即系講咗嘅嘢唔算數。爾隻貓「精甩尾」，見到「短尾貓」或者「冇尾貓」千萬要小心。 其餘嘅貓有「爛瞓貓」、「齷齪貓」、「病貓」，「為食貓」，「叫春貓」等等等等。 除此之外，貓重有九條命添噃。真系唔得佢死。 你哋又有冇尐同貓有關嘅嘢可以同大家分享下哩？ |
| emmakwok | 發表時間: 2012-07-28 00:51 |
青韻是我家!   註冊日: 2007-09-28 來自: 發表數: 326 |
Re: 粵語天地：「貓」真系唔簡單 "猫樣" 即系點樣 ?
"花面猫" , "高窦猫", |
| xxkai | 發表時間: 2012-07-30 13:24 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 引文:
emmakwok 寫道: Emma，你講嗰尐全部都系大陸貓哩！ 粵語講嘅「貓樣」，即系話人哋付尊容見到都唔開胃。其實貓有好多個樣，有尐貓嘅樣人見人愛，我哋叫佢哋做「cute cat」，爾堵有相睇（撳前面「爾堵」兩個字）。其中包括「爛瞓貓」、「齷齪貓」、「病貓」、「為食貓」、「叫春貓」、「醉貓」、「金絲貓」、「花面貓」、「高竇貓」等等唔同嘅「貓樣」。  猜迷：怎解阿姨隻貓可以走得快過架車？ 迷底：。 貓有九命，怎解唯獨是「curiosity」可以「kills the cat」？ 話說貓天生好奇心好重，有日佢主人打開咗車尾箱，隻貓因為好奇，喺佢主人唔為意嗰陣跳咗入去，個主人閂埋車尾箱後就去咗旅行。。。。。。。。。。。 注：「怎」系本字，粵音異讀「點」，如果嫌佢系多音字，可以用借字「嚸」代替。 |
| xxkai | 發表時間: 2012-07-31 18:26 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 喺網上揾到以下資料：「出貓」之所以解「作弊」，目前有三種說法：
1）據教育局國語字典: 「貓」系北平方言，指「躲藏」。而當從躲藏中顯露出來，就可以形容為「出貓」。喺考試中出貓嘅考生會先將一張寫有答案嘅紙「貓」起來（即藏起來）,然後喺考試嗰陣拎出來抄，爾個動作咪系「出貓」囉。 2）英文「copycat」演化而來：「Copycat」系指模仿別人嘅動作，抄襲別人嘅文章，系令人討厭嘅行為，作弊嘅人將貓紙中嘅答案copy落答題紙上，搬字過紙，而不經思考，因為「copycat」內有個「貓」字，尐人就創造咗「出貓」爾個詞嘞。 3）據「擔天望地廣府俗語探奇」: 「出貓」嘅「貓」系借音字，其實系「毛」嘅普通話音變。「毛」喺北方話有不規矩之意，考試作弊時出現毛手毛腳嘅行為，故此用「出毛」來形容作弊，後來講下講下就變成「出貓」嘞。 |
| xxkai | 發表時間: 2012-08-12 18:02 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 有冇人知道「食死貓」嘅來源？
|
| xxkai | 發表時間: 2012-08-21 16:29 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 關於「食死貓」，網上有爾個講法：
廣東人有食貓狗嘅風俗，廣東省內有成行成市嘅貓狗食肆，尐貓貓狗狗一籠籠噉喺堵等劏，間唔中有尐貓喺籠裏邊死咗，食肆老闆又唔想嘥嘢，於是落重料炮製尐死貓攞來賣，但係味道梗系眲唔到人，食開嗰尐客一嗒就知，於是乎質問老闆點解畀死貓佢哋食，久而久之，「屈人食死貓」變成「強加於人」嘅意思，而「鯁咗隻死貓」就系「畀人屈」嘅意思嘞。 註：「眲」音扼，意欺騙(另有讀音及字義)。詞例：「眲神騙鬼」「眲人」「偷眲拐騙」。 |
| xxkai | 發表時間: 2012-10-31 21:36 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 「掹貓尾」或「扯貓尾」意思不是“互相推諉”，而是故意設“局”，演雙簧，矇騙別人。
|
| e.e. | 發表時間: 2012-11-01 01:00 |
青韻是我家!  註冊日: 2003-12-26 來自: 港島 發表數: 656 |
Re: 粵語天地：「貓」真系唔簡單 打貓，飲食業常用語。偷吃。
|
| xxkai | 發表時間: 2012-11-01 17:31 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 謝ee提供。
[轉]“打貓”：飲食行話，意謂偷吃。熟食店一般都向員工供應飲食，但多限時限量；員工在規定之外私下飲食店裏的東西，就叫“打貓”。據說，某老闆十分刻薄，如發現員工偷吃，必予處罰。有員工偷吃時遇老闆走過來，避無可避，靈機一觸，把食物連碗扔在地上，一邊嚷著：“衰貓，偷食，打死你！”老闆信以為真，不予追究。後來，行業中人乃以“打貓”為偷吃的隱語。 |
| xxkai | 發表時間: 2012-11-04 15:53 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 ee琴晚提醒我，有隻貓叫做「病貓」，多謝ee，順便匸爾堵再多謝佢整嗰味「蠔汁香菇栗子」。好正。
「病貓」通常系用匸「老虎唔發威當我病貓」一詞。表達你唔好以為我好欺負嘅意思。 我忽然又醒起除咗「病貓」之外，重有「盲貓」，通常會用匸「盲貓遇著死老鼠」一詞，意思系「好彩」或「得來全不費功夫」。同「跛腳鷯哥遇著飛來蜢」有異曲同工之妙。 |
| (1) 2 » | |
| 樹狀顯示 | 新的在前 | 前一個主題 | 下一個主題 | |
| 無發表權 | |