東哥，唔好意思，小弟睇完呢 videos 忍唔住要入來 sip 一 sip 位，順便滔一滔光........

實不相瞞，查實小弟對這幾個 demonstrations 有Ｄ保留。佢哋講用個大關節來彈 rest stroke 絕對係彈 rest stroke 的指定動作及入門。但如按佢哋所講及示範，要讓 i 的第一個細關節在撥弦時咁 flexible 同 曲，就會 delay 個 attack，而個 attack 亦會變成 sluggish，音色自然變得 sluggish（希望你還記我上次的 live demonstration）。亦因為呢個關指曲了，本來的指力就會discounted，音色自然不夠力。若按呢個手形來彈大聲的音，就會去到"力同速度是相對" 的局面，因為要補償返個 discount，就要谷大個指力，出來的卻是死力，音色自然乾硬，仲要有 delay。

我覺得那個關節不是要佢 'tense'，只要佢在 attack 時不曲就夠了。做出來的音色就自然爽快利磊。

至於後面幾條 link 除了上面提及的問題外，還有隻右掌放得太低，令 attack 的角度幾乎到個 fingerboard 平面。會令到手掌同手指長期處於一個較曲的姿勢，體力消耗自然較快。亦因為呢個姿勢及角度，佢每一下鉤線都需要手指較大幅度的郁動來完成，對速度控制很不利。同樣因為個姿勢，佢既動作只可以算係鉤弦，不是撥弦，即使 rest stroke 出來的音色只流於乾同廋，並不飽滿。

另外，請恕小弟多事，因為小弟對 "推線深->音量大，推線淺->音量輕" 有些少個人意見。

雖然推線幅度同音量關係顯而易見，但若按此方法出來的聲難免變得死實及有 delay，所以可以給呢個彈法發揮的機會唔多。

按 Newton's 2nd Law of Motion - "F=ma"（F = 力，m = 質量，a = 加速，即係力同加速係成正比），及 Newton's Third Law of Motion - "action and reaction" 的 insight，只要做到快速 attack，然後快速離弦，就能夠給弦線足夠的能量來大聲。因為不易變成死力，自然將 delay 減到最少，而且音色亦都富有彈力及生命力。當然，亦都好大聲。若夠熟練時，能夠輕易做到比 "推線深" 更大聲，但仍能保持音樂感及生命力。

這技巧對彈奏又快又密的歌尤為重要。若用於 "爆炸音"時，其 "爆炸" 的效果更是 "推線深" 完全望塵莫及。

以上胡言，純出於小弟八掛，並無冒犯之意，如有得罪，請多多包涵。當然，如有錯漏，敬請各位指正！

----------------