見小魚講Fingerstyle講得興起，我又湊熱鬧。
這Topic叫Martin Taylor，主要係引各大佬入來睇下，
查實唔係講Martin或Taylor結他，
而係借英國一個頂級結他佬Martin Taylor講一首Steve Howe既結他曲。
係咪好複雜？

Martin Taylor都係Fingerstyle Guitarist,不過佢主要玩Jazz,
所以唔係彈Martin或Taylor的結他，而係彈Vanden


Martin Taylor

我查實都唔多識Martin Taylor ，
不過從佢其中一張CD中發現我一個較熟識的結他佬──Steve Howe。
呢個Topic其實係主要介紹佢。

這CD名為Masterpiece Guitars,由Steve Howe及Martin Taylor合奏。
Steve Howe係乜水？
勁囉，佢就係超級組合Yes的結他佬。
Yes係70年代一個超哂班的技術型組合，藝術搖擺的先驅。
由結他佬，琴佬至歌佬，個個都可以獨當一面。
當中歌佬Jon Anderson更是小弟第一個祟拜的歌手，佢擁有超高音嗓子，
但並不是同期重型搖擺的嘶叫，而是飄逸脫俗，不吃人間煙火的高音。

講返Steve Howe，好多人都認為就是佢創造了art rock的樂種。


70年代Yes的Steve Howe。



Steve Howe & Fragile At The Robin 9th June 2005
05年的Steve Howe（左）。
有點似M.A.D的Adam哥哥，當然Adam哥哥年輕好多同頭髮亦多好多。

Steve Howe及Martin Taylor合奏Masterpiece Guitars，
係用總值『幾百萬美金』的60支結他彈奏!
都是比較Jazz味重的曲。
以下網址有Steve Howe及Martin Taylor合奏Masterpiece Guitars聽：
http://www.simbioticstore.com/p3music/index.html?s=home&m=&c=viewitem&item_id=7341
可留意當中第一首Two Teardrops，
唔知係咪用了兩支D'Angelico Teardrop結他合奏。（全世界只有四支）
所以名為Two Teardrops。

Steve Howe係一個全面型的結他手，
近年亦有在一些Fingerstyle　Concerts演出。
小第一隻接觸的Fingerstyle結他曲，
就是在1971在Yes大碟Fragile中的Mood For A Day。
當年Fingerstyle這名詞應該還未流行，
Mood For A Day由Steve Howe獨奏，結合了古曲及西班牙結他風格，
加上Steve Howe個人風格，成了一支獨特的Fingerstyle作品，
而我初聽此曲時已是70年代尾，當年聽過最流行木結他曲的是『浪子』，即Romanc de amor，
(鳴謝Adam提醒『浪子』這個中文曲名)
Steve Howe的Mood For A Day讓我驚覺原來木結他是可以這樣的，
好好聽，冇古曲咁傳統，
當年唔知應該點形容這類曲，好多年後才知道可將之列入Fingerstyle。
當然，那時還沒有現在新派Fingerstyle那樣多的技巧，
但己是驚為天人。

Steve Howe彈Mood For A Day

Steve Howe個人CD “Not Necessarily Acoustic”中有Mood For A Day試聽：
http://stevehowemp3.bioengseat.com/

95年，Kansas及Deep Purple結他手Steve Morse在
Tales from Yesterday: Yes Tribute中亦翻彈了Mood For A Day向Steve Howe致敬。
試聽：
http://www.amazon.com/gp/product/B000003ZB2/103-4163579-2678261?v=glance&n=5174

----------------

Derek大佬真好介紹，Martin Taylor我係聽過佢個名，但上一代的"Fingerstyle"結他手我真係認識唔多，留返比Rod哥來講下

現在的"Fingerstyle"一詞，係新興的，以前叫做"Fingerpicking"或"Flatpicking"，主要以彈blues, ragtime, celtic為主。後來出現左個奇人-Michael Hedges，加入不同的技巧，將木吉他演奏帶入全新領域，在近代演奏家e.g.Andy Mckee和Kotrao Oshio等也不難發現佢地帶有Michael Hedges的影子。

Michael Hedges大量使用taping，slap harmony，擊板等新技巧，而呢種"Fingerpicking"形態就唔知幾時比人entitle做"Fingerstyle"。

抱歉我無上網認真巧究過'Fingerpicking"和"Fingerstyle"的定義，但大體上，像Stefan Grossman，John Renbourn等的曲風我地可以叫做fingerpicking，也可叫fingerstyle(因為現在兩個名都差唔多相通的)，而像Michael Hedges這種曲風，我就唔會叫佢做Fingerpicking，會叫佢做Fingerstyle。

對我來講，好聽的我就喜歡，好少會去分類，我諗Rod哥呢方面的智識一定比我豐富好多，嘻嘻。

----------------

小魚魚:
若以純粹欣賞角度去聽：『好聽的我就喜歡，好少會去分類』，相信沒太多人會異議 .
不過若以討論角度而言，一些音樂詞彙含有特定意義，瞭解其義對幫助瞭解音樂很有幫助。
若以推廣角度而言，樂種分類更加可以讓人更瞭解不同樂雒的背景及特色，
令人增加欣賞時的興趣及鑑賞能力。

Fingerstyle，沒錯，可以說是是從Fingerpicking演變而來，
很多結他網站，甚至一些鬼佬結他網站都搞不清楚，
認為Fingerstyle即是Fingerpicking。
但是我覺得是有不同的。
另外，Fingerpicking和Flatpicking更是不同的彈奏方式。

根據我個人由70年代尾認識Fingerpicking這個字開始開始，
對以上三個詞彙有以下理解。
我的說法可能和一些鬼佬結他網的說法有些出入，
但不要盲目相信鬼佬結他網便是權威，
很多可能都是剛學結他不久的人寫的。
當然小弟的說法亦可能有錯，如有的話，請大力指正。

首先，Fingerpicking和Flatpicking是指彈奏結他時右手撥絃的兩種主要方式。
而Fingerstyle則是泛指一種結他彈奏的樂種（即音樂種類），主要由Fingerpicking技巧演變而來。
簡單地說，前二者是彈結他的方法，
後者是指一種結他音樂。

Fingerpicking

簡單地說，即是純以以手指撥絃的彈奏方式，即以指頭肉及指甲撥絃，
很明顯是從古典結他的彈奏方式而來。

一些鬼佬結他網說如用Thumb Pick或Finger Pick便不算Fingerpicking，　那是沒有根據的說法。
Thumb Pick或Finger Pick只是代替了拍指頭及指甲直接撥絃，
基本上仍是Fingerpicking彈奏方式。

而在Fingerstyle自成一個樂種之前，純結他音樂的Fingerpicking，都是古典結他為主，例如較流行的古典結他入門的『浪子』（Romance De Amour）以致較進階的Cavatina。
不過一般人都會說這是古典結他樂曲，而不會說是Fingerpicking，
因為Fingerpicking只是古典結他其中的一種技巧。

大部人（包括小弟）認識的Fingerpicking，都是以伴奏為主的結他音樂。
主要是走Chord的Pattern，或是arpeggio，當然還有其他技巧，
因這不是技巧篇，小弟亦不識太深的技巧，不提了。


大家上民歌斑第一首歌必定彈過的Today，便是最簡單的Fingerpicking結他了。
而Kansas的Dust In The Wind也是大家不會陌生的Fingerpicking例子。
Fingerpicking很多都用於較acoustic的音樂之中，如Folk、Country 、Acoustic Pop或其衍生出的各種樂種。
大家熟識的例子有PPM(Folk)、Don Mclean(Pop)、Paul Simon(Pop)、John Denver(Country)。
而最獨創一格的Fingerpicking Singer Song-writer便是Jim Croce了。
他的歌絕大部份都是Fingerpicking，據聞他的其中一隻手指受創，
所以令他的Fingerpicking自創一格。
其實大家都忽略了他的2nd guitar拍檔Maury Muehleisen，
在2nd guitar的Fingerpicking彈奏中，亦是天衣無縫地配合。

Rock Music之中，因為是彈電結他，
主要是以Flatpicking為主，但亦有例外，有用Fingerpicking的。
Dire Straits的Mark Knopfler便是表表者，
Erci Clapton一些較Acoustic的歌也會用上Fingerpicking，如Tears In Heaven。


Flatpicking

至於 Flatpicking ，是指以手指公和食指拿著一塊『絃撥』（稱為 flatpick 或plectrum，俗稱Pick）來撥絃，與以手指撥絃（ Fingerpicking ）不同。
Flatpicking 可以是掃絃或逐條絃撥彈，因為發出聲響較大及更動態的，
電結他大多數以Flatpicking社主，（除上述的Mark Knopfler）
所以很多Pop、 Rock、Blues或衍生樂種都以 Flatpicking 為主。
Acoustic結他方面亦有很多是需要Flatpicking的，如很多Folk-rock
如Neil Young的掃Chord派，或是很多Acoustic-Pop的用Pick逐條絃勾的彈法。

還有一種是Hybrid Picking，即是混合了 Fingerpicking 和 Flatpicking 兩種手法，
例如母指食指用Pick彈較低音的Bass line，其他指走arpeggio或撥Chords。


Fingerstyle

在音樂發展史來看，正如小魚所說，Fingerstyle是一個較新的詞彙。
Fingerstyle，廣義地說，便是古典結他以外，以Fingerpicking為主要撥絃方式的acoustic guitar演奏，
大部份又以鋼絃結他為主。
有說Fingerstyle可追溯至70年代，但當時還沒有Fingerstyle這個詞彙。

純木結他演奏，如果不是古典結他，當時（70年代前後）市場真的不大，就算現在，
也只有在歐美日本較為流行，在香港，更是很多人聽也未聽過甚麼是Fingerstyle。
之前的Laurence Juber，及剛剛在港舉行的『弦起音揚吉他演奏會』，
都沒有甚麼迥嚮，香港各大音樂網站，似乎只有青韻網的幾條友仔在淺談幾句。

當時似乎很少有古典結他之外的純木結他獨奏，反而純電結他音樂卻有不少。
上文講的Steve Howe彈的Mood For A Day只是一張Art Rock大碟中的一首特別不同風格的Fingerpicking 木結他音樂，未能自成一碟。

不過，一些Fingerpicking的guitarists開始嘗試在木結他身上發展出古典結他技巧以外的音樂，尤其是在鋼絃結他上發揮異於古典結他的味道。

最早在這方面嘗試而又有出碟的人是被稱為現代Solo Acoustic Guitar Music之父John Fahey。


現代Solo Acoustic Guitar Music之父John Fahey

John Fahey早在1959年推出Blind Joe Death唱片，便是被認為是後期稱為Fingerstyle始祖。
John Fahey當時玩的音樂被稱為American primitive guitar。
特色是自學為主，所以與傳統的古典結他音樂不同，包括己經有人工泛音、敲絃，推絃、Alternative Tuning、擊板等。
John Fahey的風格影響了日後一些結他手，更加進了其他不同技巧，
至80年代，非古典木結他音樂已演變出成為一種可以獨奏的樂種。
但當時仍未流行Fingerstyle這個稱號，而是用了當時較時耗一個詞彙──New Age Guitarist。
小魚提的Michael Hedges，便是其中一個例子。他是New Age Muisc王國Windham Hill Records旗下的一個Musician。
他當時是被稱為New Age Musician/Guitarist，不是Fingerstyle Guitarist。
另外一提，他合作過的Artistes之中，很多都是青韻網常見的名字，
如Bob Dylan、Paul McCartney、John Lennon、Neil Young、 CSN等等。

依個人所見，Fingerstyle這一個詞彙，似乎是進入90年代才真正流行起來，
而且還常與Fingerpicking這詞混為一談。
Fingerstyle暫時沒有一個通用的中文名，
大陸叫的『指彈』勉強可以接受。

不過一個新興的詞彙還需時間的洗禮，其定義才會穩定下來。
而現在的Fingerstyle相信亦會不斷進化，除加入更多技巧之外，
可能會有人加入Flatpicking或Hybrid Picking亦未定，
而更加可能便是利用不同effect box引進更豐富聲效了。
到時Fingerstyle一詞便不足以應付多元化的acoustic guitar music，
不如嘗試先創一些詞彙，以備參考：
Flatstyle、Hybrid Pickingstyle,Classical Fingerstyle,
Progressive Fingerstyle,Rockstyle Acosutic, New Age Acoustic-rock,
Effectbase Fingerstyle, Fusion Fingerstyle…..

----------------

哇哇，今日睇返呢個post真係嚇一跳，忍唔住又入來搭訕

首先Fingerstyle一詞，以我的理解係一種音樂表現形態，不會定義為一種音樂風格。小魚在國外亦逛過各大賣CD的商店，仲未見到一個牌寫fingerstyle或fingerpicking的音樂風格。像Laurence Juber或Tommy Emmanuel的CD就通常放在"Folk"或"Newage"的section。用fingerstyle(這裡泛指用手指彈結他)彈blues, 咁佢就分類為blues, 彈Jazz就變Jazz。簡單來說，Fingerstyle只係種技巧。

好啦，雖然Fingerstyle唔係一種音樂風格，但佢仍然有d特色令我叫個隻歌做fingerstyle歌。

1. Fingerstyle&Fingerpicking: 會將bass同treble同時彈奏，簡單來講係一個人玩哂

2. 會以木吉他為樂器(大部份)，但用banjo或Resonator玩"fingerstyle"亦係有的。

3. 唔會以彈唱形式表達

根據我呢個"定義"，符合以上定義123去彈小蜜蜂係咪fingerstyle?我會答係，咁古典結他係咪Fingerstyle?我會答係。

Fingerpicking有別於fingerstyle的其中一個地方係Fingerpicking較着重walking bass，就是bass line常常用asceding or descending order彈出來。而且我發現Fingerstyle常常同New Age music卦鉤，新一代的Fingerstyle，像風之國度，黃家偉自己就叫佢做Newage。

咁點解Fingerstyle, Fingerpicking同Flatpicking搞到咁混亂呢？因為這裡是指三種技巧(忘了說我同意Derek的分類方法)，像Tommy Emmanuel就成日用哂呢三種技巧，但佢又叫自己彈的係Fingerstyle。

Tommy's unique style - he calls it simply "finger style" - is akin to playing guitar the way a pianist plays piano.

http://www.tommyemmanuel.com/about-tommy/

搞到我呢d玩家鬼咁混淆 但顯然，用唔用thumb pick或flatpick並唔係分類Fingerstyle的方法

咁如果有人問我fingerstyle係乜呢？我會話用手指彈結他lor~並唔會講上面的一大堆定義。"用手指彈結他"亦係我對fingerstyle的總結。

至於Fingerstyle的普及，沒錯市場真係好細，而我實在無乜大志去定義同推廣，但仍有一群人不惜去推動。黃家偉先生搞第一場演奏會就虧左20萬新臺幣，弦風大老闆陳智強先生告訴我，佢當初推廣FS(Fingerstyle)，人地就等住睇笑話，好唔容易打開左市場，人地又要黎分一杯羹，音樂市場就係咁。BTW, 亞洲其實有好多喜愛Fingerstyle的人的，只係香港唔多，所以我成日上臺灣，日本，大陸，韓國的Fingerstyle版，亦認識到好多好朋友。

P.S. 木吉他Effect(效果器)現在好多Artists已用緊啦

----------------

Martin Taylor is one of my favorite guitarists. Some years ago I had the chance of seeing his performance at HK jazz club and it was very impressing.

In 2003, a DVD "The Four Martins" was published presenting four guitarist with having the name of "Martin", namely Martin Taylor, Martin Carthy, Martin Simpson and Juan Martin. At the end of the DVD, Martin Taylor demonstrated how he integrated five different instrumental parts into a song played by a single guitar. Although he demonstrated clearly step by step of how to do it, it is still too difficult for me to even follow the first few bars. But it was still very interesting in watching this.

Some recommended CDs are "Spirit of Django", "Portraits" and "Tone Poems II".

魚魚，
唔駛嚇一跳喎，講Fingerstyle開正你果瓣，你駕輕就熟喇。
我都只係做個對答人，等你發揮多ｄ姐。
相信此網很多讀者，包括小弟，
都會因為你的討論而對Fingerstyle有更多認識．

等於我初來步到時，
同呢樹班大哥拗左一輪何謂『民歌』一樣，
講到大家口沬橫飛,不知幾高興。
純粹討論，彼此得益吖嘛。

講返你對fingertstyle的解釋：

1. Fingerstyle&Fingerpicking: 會將bass同treble同時彈奏，簡單來講係一個人玩哂

2. 會以木吉他為樂器(大部份)，但用banjo或Resonator玩"fingerstyle"亦係有的。

3. 唔會以彈唱形式表達』

我有點不太同意，因為根據上述定義，
古典結他演奏早己是Fingerstyle一種音樂表現形態，
為何古典結他演奏不被稱為Fingerstyle。
我同意你說『首先Fingerstyle一詞，以我的理解係一種音樂表現形態．』
我說的是一種『樂種』也問題不大，
因為『樂種』一詞也是籠統的說法，
正如Folk Music,　不一定是由木結他彈奏，Banjo, 口琴，Violin，甚至二胡，三絃琴等樂器都可奏出Folk Music。
正如很多人都說的New Age Music，亦是很空泛的『樂種』，
廣義上，幾乎任何與傳統音樂（或任何文化）不同都可統稱為新紀元（New Age），
所以當年的非傳統Solo Acoustic Guitarist如Michaeal Hedges會被稱為New Age Musician。
直到現在，說一眾Fingerstyle音樂是New Age音樂一種，亦無不可。
當然狹意的New Age意思會更特定某種類型。

至於著重Bassline而自成一獨奏曲，是Fingerstyle一個很大特色．
但不是Fingerstyle的專利，很多古典樂曲已是如是。

Fingerstyle加Effect當然亦大有人在，
不過我說得不夠詳細，我說的加Effect意思是多元化的Effect,
不單是加重Reverb,Chorus,Delay, Sustain, Compression等常規effect,
而是比美電結他各種Effects如WahWah, Overdrive,Distortion等等，
或是以Midi拖著Keyboard彈奏，做出Full Band效果，
或是其他還未出現的電子音效。
或甚至以電結他來彈奏Fingerstyle，總之，任可能性都會有。

當然，到時Fingerstyle的定義又不足應付，需要另開分枝詞彙。

之前亦強調任何一個新興的詞彙，都會經過時間洗禮，
共定義才會較為穩定，但始終亦應該有一個核心定義，
以示和其他詞彙有所驅別。
至於Fingerpicking一詞，歷史較悠久，定義較為穩定，
前上略講過了，不再重覆。

如果話Fingerstyle＝"用手指彈結他"，肯定冇錯，
等於話『阿媽＝女人』，一定對的，
但是『阿媽是甚麼樣的女人？』，便不能說得清楚了。
而"用手指彈結他"的音樂或人，全世界真是太多了，
不能說全都是Fingerstyle吧？

其實我也有查閱至於其他網上說的Definition of Fingerstyle，
各有各說，而且不太摸著重點，還是嘗試自己摸索一下。
如果說：
Fingerstyle是傳統古典結他以外,由Fingerpickin演變而來的 Acoustic Guitar Music,
那又如何呢？雖然依然籠統，但好過單是『用手指彈結他』吧？

據聞弦起音揚吉他演奏會在大陸反應不錯，
廣州那場收費30大元也爆滿百多個座位，
相信北京那場亦會爆滿。
香港討論或舉行一些較為偏離主流的文化，都沒有太大迥嚮，
希望小魚不會再被小弟文章嚇一跳，
繼續同大家討論及介紹Fingerstyle。

另外,Sum哥果然博覽會群DVD, 四條Martin都睇埋

----------------

唉，我打完大篇野...Click"確定送出"...點知自動登出左，一篇心血付諸流水，真係無癮，我沖個涼返來再打一次

----------------

引文:
唔好氣餒,我都試過。
下次先打在Word File Save左再Copy出嚟安全d,
家陣我都沖個涼先

----------------

Derek兄

先感謝Derek大佬厚賜美鈔，果然大箱夾重手，哈哈。

引文:
唔駛嚇一跳喎，講Fingerstyle開正你果瓣，你駕輕就熟喇。
我都只係做個對答人，等你發揮多ｄ姐。
相信此網很多讀者，包括小弟，
都會因為你的討論而對Fingerstyle有更多認識．

等於我初來步到時，
同呢樹班大哥拗左一輪何謂『民歌』一樣，
講到大家口沬橫飛,不知幾高興。
純粹討論，彼此得益吖嘛。

回覆：

回覆：拿拿拿，呢個「駕輕就熟」我真係唔敢認。對Fingerstyle的如此討論我仲係第一次，以往人地問我乜野係Fingerstyle(以下稱FS)，我都會話佢聽「你阿媽係女人」(原因容後分說)，不過係小弟筆興大發，入來吹下水，撞正Derek兄咁求知慾强的大老闆，騎虎難下，想唔吹落去都唔得(苦笑中…)。

入正題：
引文:
講返你對fingertstyle的解釋：

1. Fingerstyle&Fingerpicking: 會將bass同treble同時彈奏，簡單來講係一個人玩哂

2. 會以木吉他為樂器(大部份)，但用banjo或Resonator玩"fingerstyle"亦係有的。

3. 唔會以彈唱形式表達』

我有點不太同意，因為根據上述定義，
古典結他演奏早己是Fingerstyle一種音樂表現形態，
為何古典結他演奏不被稱為Fingerstyle。
我同意你說『首先Fingerstyle一詞，以我的理解係一種音樂表現形態．』
我說的是一種『樂種』也問題不大，
因為『樂種』一詞也是籠統的說法，
正如Folk Music,　不一定是由木結他彈奏，Banjo, 口琴，Violin，甚至二胡，三絃琴等樂器都可奏出Folk Music。
正如很多人都說的New Age Music，亦是很空泛的『樂種』，
廣義上，幾乎任何與傳統音樂（或任何文化）不同都可統稱為新紀元（New Age），
所以當年的非傳統Solo Acoustic Guitarist如Michaeal Hedges會被稱為New Age Musician。
直到現在，說一眾Fingerstyle音樂是New Age音樂一種，亦無不可。
當然狹意的New Age意思會更特定某種類型。

回覆：

唔太明Derek兄唔同意小弟邊段留言，但亦嘗試解答。

首先，小弟本人已定義Classical係FS的一部份，主要因為我定義FS係一種音樂表現形態。唔好嫌我長氣，我再重覆用FS彈blues, 咁佢就分類為blues, 彈Jazz就變Jazz，咁當然用FS彈Classical就分類為Classical啦。

反過來說，我地一向視之為古典大師的John Williams，佢在一隻叫Play The Movie的CD就有彈The Entertainer (Jazz名曲)，咁我又唔會定義佢係彈緊古典-Classical，會索性義佢係彈Jazz，也視之為Fingerstyle的一種。而Tommy Emmanuel在Concert彈Cavatina、Kotaro Oshio彈Romance，我會話佢彈緊Classical，也視之為Fingerstyle的一種。係呢方面，我仍忠於「彈乜就係乜」的定義。但呢個定義有一定弱點，例如Tommy Emmanuel彈Amazing Grace，John Newton的典型古典樂曲目，但佢彈到好似Jazz咁，我都唔知點定義，索性叫New Age算了。

Up完上述廢話，現在討論點解古典結他演奏不被稱為Fingerstyle。

呢個就要引申返Derek兄所說的『樂種』或『曲風』-Style
雖然小弟唔會將FS定義為『樂種』，而將之定義為『音樂表現形態』(此詞其實係小弟胡亂一筆，既然Derek兄無異議，小弟索性當仁不讓，繼續用下去)，但現在亦假設Finger “Style”是一種『樂種』，而呢種假設實際上亦係成立的，因為FS同Classical真係有本質上的分別。

第一， FS很着重原創，各演奏家的創作随處可見，古典則以彈個d流傳百年的名曲為主，新創作係有(像Tango en Skai)，但一定唔及FS多。
第二， FS有用好多Alternative Tuning，以我所知超過100種，古典則以Standard及Drop D為主(亦有例外，像Carlo Domeniconi的Koyunbaba)
第三， 近代FS加入的Slap Harmony和雙手Taping等技巧，在古典結他上並不存在，亦使FS同Classical明顯一d區分出來。

總結係，如果視FS為『音樂表現形態』，古典係『樂種』，咁將FS同古典比較並不合理，呢方面小弟仍終於自己的說法，古典係FS的一種。反之，將FS視之為『樂種』，那我也同意FS和古典係唔同的，唔將FS定義為古典我亦會接受，會唔會好兩頭蛇呢？

引文：
至於著重Bassline而自成一獨奏曲，是Fingerstyle一個很大特色．
但不是Fingerstyle的專利，很多古典樂曲已是如是。

回覆：

以Derek兄上述的理解，我將Classical定義為FS一種係咪有d理由先？

引文：
Fingerstyle加Effect當然亦大有人在，
不過我說得不夠詳細，我說的加Effect意思是多元化的Effect,
不單是加重Reverb,Chorus,Delay, Sustain, Compression等常規effect,
而是比美電結他各種Effects如WahWah, Overdrive,Distortion等等，
或是以Midi拖著Keyboard彈奏，做出Full Band效果，
或是其他還未出現的電子音效。
或甚至以電結他來彈奏Fingerstyle，總之，任可能性都會有。

回覆：

認同，但我對Effect無認識，無水可吹，唉唉……

引文：
如果話Fingerstyle＝"用手指彈結他"，肯定冇錯，
等於話『阿媽＝女人』，一定對的，
但是『阿媽是甚麼樣的女人？』，便不能說得清楚了。
而"用手指彈結他"的音樂或人，全世界真是太多了，
不能說全都是Fingerstyle吧？

其實我也有查閱至於其他網上說的Definition of Fingerstyle，
各有各說，而且不太摸著重點，還是嘗試自己摸索一下。
如果說：
Fingerstyle是傳統古典結他以外,由Fingerpickin演變而來的 Acoustic Guitar Music,
那又如何呢？雖然依然籠統，但好過單是『用手指彈結他』吧？

回覆：

Derek兄所說甚是，FS指"用手指彈結他" = 『阿媽係女人』的確係一句廢話，此句係比我呢d無大志定義FS，夾無耐性解釋FS的低劣人作解釋用的。而呢個世界實在係有唔知『阿媽係女人』的人，對FS一d認識都無，更唔會知道呢個Fingerstyle係由Fingerpicking演變而來。對住Derek兄你，小弟當然會收起如此無禮舉動，傾家蕩產，唔會bullshit老兄你的。

至於小弟同Derek兄一樣，曾在網上找尋FS定義，不是模糊不清就是眾說紛紜，所以小弟有樣學樣，自己也來「定義」一下，亦希望力求清晰，若有錯誤，小弟必定會恭聽教晦，唔會「死雞撐飯蓋」 。

唔知你Derek大佬收唔收貨呢？

----------------

小魚，
回咁大疊美玉，
真係冇枉費我打咁多磚頭出嚟。
你素來都知我鐘意尋根究底，所以對一些待認為有疑問的問題會追問下去。
所以你的說法，又真係唔可以全部收貨。

因為你的美玉中有一個破綻，
你的解釋有一個大前提首先要成立才有效，否則全部只可以是自圓其說。
而這個前提，竟然是你自己的一個個人的定義。
就是你說『小弟本人已定義Classical係FS的一部份』
小弟雖然對Classical及FS認識不算太深，但都叫做知ｄ唔知ｄ，不過從來未聽過如此說法。
古典結他已有幾百年歷史（唔知幾多百），新興的FS的只有幾十年歷史，
怎說也沒可能古典結他是FS一部份。
如果你只將FS一直定為『用手拍彈結他』意思，
那古典結他的確是『用手拍彈結他』，但那一樣是『阿媽係女人』，冇人可以反對這種說法。
如果任何討論，都用『小弟本人已定義xxx係yyy的一部份』，或『本人定義xxx便是yyy』，
那便無話可說了。

你說的這三點：
第一， FS很着重原創，各演奏家的創作随處可見，古典則以彈個d流傳百年的名曲為主，新創作係有(像Tango en Skai)，但一定唔及FS多。
第二， FS有用好多Alternative Tuning，以我所知超過100種，古典則以Standard及Drop D為主(亦有例外，像Carlo Domeniconi的Koyunbaba)
第二， 近代FS加入的Slap Harmony和雙手Taping等技巧，在古典結他上並不存在，亦使FS同Classical明顯一d區分出來。

我大部份同意（即不是全部），更看不出與我說的FS是『非古典結音樂，
由Fingerpicking演變出來的acoustic　Guitar Music』的說法，有何矛盾。
好像還是加強了我的說法。

不如我今次長話短說，
查實的打咁大篇野的目標，主要是說明Fingerpicking及Fingerstyle的分別，
順便講埋乜野係Flatpicking咁解。
我又試下我的既總結：

Fingerpicking──簡單直譯『指彈』，
即『用手指彈結他』，流行結他的fingerpicking他可以說是由古典結他演變而來。

Flatpicking—簡單直譯『撥彈』，用撥（Pick）代替手指彈結他。

Fingerstyle--簡單直譯『指彈風格』，這種風格由fingerpicking演變而來，加上一些古典結他技巧以外的技巧，如加入電結他技巧的Slap和Double Handed Taping，拍絃擊板等等，令木結他音效更多元化。
（Slap和Double Handed Taping不是源自FS的，而是電結他技巧之一。）

另外值得一提是，附有Pickup system的電木結他的普及流行，
亦對FS發展有很大幫助，因為以前單靠Mic收音，很多新加入FS的技巧根本難以發揮，
如果Slap和Double Handed Taping，原本是電結他技巧之一，但電木結他讓樂手可以將很多電結仔技巧套用於木結他中，
這也是與古典結他或流行結他的Fingerpicking越來越不同的原因之一。

『指彈風格』，原本雖然譯做是一種『風格』，但隨著越來越多樂手以這風格彈奏，
已成為古典結他之外，另一可以作為獨９奏，以致合奏的一種『樂種』，當中可滲雜不同類型風格，包括Jazz、Blues、Pop、Classical等等。

即是，『本人己定義一種音樂風格，經過演變，是可以成為一個音樂類型。』

----------------