引文:
sonar 寫道:
引文:
colacat 寫道:
買 Toyama , 真係唔係呀 patrick 哥推薦o個款, 都唔好立亂買.
我一年前買左支 Toyama , 乜都唔識走入去買左支鋼線, 完全係因為個朋友有折所以買佢. 買左賴左野都唔知, 新仔唔識睇, 原來支結他比一般結他高左好多. 彈左好多個月都練唔好, d 手指又因為唔識用力彈到腫埋. 彈到冇心機放低左差唔多成年.
近期搵到黎青韻, 經 patrick 哥指點先知係支結他高左, 唔係我唔會練極都冇進步, 結果要勞煩 patrick 大國手同我支結他做手術磨左個腮骨, 較番低 d , 我而家先叫做練到咋!!
=.= ....... 所以買結他, 奉勸各位真係要小心, 唔識買記住拉個識既人陪你去呀!!
記得我第一支結他. 係在沙田一間琴行仔買的一支買左$350既nylon木結他. 佢fret高線高. 仲容易走音. 但我初買時什麼都唔識. 買返黎第二朝仲整斷線tim.. 但就咁我就彈左佢三年. 才買第一支yamaha.
學習進度與結他是有關係的. 但我相信不是最大關係. 相信若Eric Clapton拿上我支350蚊的結他. 彈出來的東西仍是很Eric Clapton...
其實你的練習進度問題興是否toyama 結他關係不太大的. 就算上萬元級的結他. 都經常見有S neck. 只要購買時留意一下便可以了. 其實線高一點. 對你練習都可能會更好. 取難捨易的練習永遠只會令自己有突破. 貼fret當然會較易彈但未必一定係好事.
我近幾年都開始要學習不要埋怨自己的結他不夠好...
我早幾年也不停去轉換結他. 總覺得別人的結他更好聲. 更好彈. 但現在我也不再有這種感覺了. 我現在只會不停埋怨自己不能用自己的結他彈得更好...
我都好耐無0黎留言嚕,見到呢個話題又想搭0下咀...
諗番起我第一支結他,係老逗送0既大陸貨,$50細body鋼線木他,條頸厚,線位又高又硬,彈得好辛苦。但我就用0黎練bar chord,重扮電他跟住橙色膠唱片0既Ventures彈Apache、Walk Don't Run等名曲,都不知幾過癮!
直到多年後有機會用支真電他彈番呢0的歌,0個種感覺真係講唔出咁正!哈哈~
----------------
咪o卦住掘金,最緊要開心!