 討論區主頁 音樂自由講
2006.06.10 (六) - 珠海音樂之旅 | 無發表權 |
| 樹狀顯示 | 新的在前 | 前一個主題 | 下一個主題 | 頁尾 |
| 發表者 | 討論內容 |
|---|---|
| sonar | 發表時間: 2006-06-14 12:38 |
青韻是我家!   註冊日: 2005-05-04 來自: Maldives 發表數: 664 |
Re: 珠海音樂之旅 一次好開心既音樂交流 !
 |
| Sim | 發表時間: 2006-06-14 17:38 |
青韻典堂級民歌好友   註冊日: 2004-04-28 來自: 發表數: 1439 |
Re: 珠海音樂之旅 Chris哥哥,
小弟的幾行字又的確詞不達意,難免令人誤會。幸得你深明大義,小弟十分欣慰。 Chris哥哥的音樂知識豐富,大家有目共睹,在青韻house party中的主題Presentation更是資料豐富,令人津津樂道。 今次的珠澳音樂之旅也是一個令人驚喜之作。 特別欣賞是ppm大佬真情的見聞錄,令人眼界大開, 最有趣的是ppm大佬講出連揼骨師都識彈結他， 令人對當地人一些生活片段有多一分了解。 不過小弟資質始終幼嫩,有些問題想向Chris哥哥請教,你話: 『見你咁寫﹐我仲驚﹐上一次你地已經又斷背又成﹐我幾驚一陣比X週刊見到篇野話ARM 駛呀。而且青韻咁多青年人黎睇﹐人地以為我地班鍾意音樂的人原來只係咁既層次﹐就弊了。』 小弟唔明你所講的『咁既層次』問題是甚麼?驚的又是甚麼? 為了審慎起見,小弟特別翻查了小弟寫的兩篇有關閣下說的文章：『深圳音樂歷奇』， 看看有甚麼地方出了問題。 『深圳音樂歷奇』全文寫了超過15000字,圖片超過30張及上載了數段影片。 雖然不是甚麼大作, 但小弟自問用了多個通宵, 花了成擔心機, 希望將一次個人的音樂見聞忠實地報導出來, 原意和閣下一樣, 都是希望將自己覺得是好的東西, 和大家分亨。 當中亦不希望寫得太枯燥乏味,所以也有加插一些生活化的趣味枝節。 而縱觀全文,超過97%內容都是和音樂有關係。 音樂不一定只是象牙塔裡的音符和歌名, 而是實實在在和人的生活有莫大關係。 特別是大家經常提及的民歌,更是和人民生活息息相關。 50年代的美國民謠復興,便是與工人運動很有關係, 後來的民權運動、反戰思潮, 民歌都成為重大的思想媒介。 要立體地感受異地的音樂世界，個人覺得可以從當地人生活開始。 不過這又確是很花時間及功夫。 當然, 小弟的文章也只是玩票性質, 沒有甚麼偉大理念, 只是以紀錄實形式報導, 目的便是盡量將耳聞目睹的報導出來。 而且音樂是生活的一部份,也是很民間的活動,所以也報導了一些花絮。 而為了慬慎起見,事後在整理文章期間, 還做了一些資料搜集, 以補充文章的資料性。 例如提及蒙古長調,特別找來一後蒙古長調音樂,以供看官參考: 『另外找來傳統長調歌曲 傳統蒙古長調 大家可以想像一下，音色圓潤深沉的馬頭琴加慢搖滾是怎麼一回事了。』 ──摘自『深圳音樂歷奇』。 事後更各TC兄台請教傳統長調歌曲的特色，希望引起大家對這種音樂的興緻。 除此之外，還特別介紹了當地一些音樂人為音樂理想掙扎的小故事，如： 『後來，再和阿強聊天，才知他來自湖南，原本是教琴老師。 一年前，和他的樂隊隊友來到深圳尋找音樂夢想──成為專職的場地表演樂隊。 他們一到深圳，便即刻分頭行事，兩人去找落腳的旅館， 另外兩人在人生路不熟的深圳四處跑，向酒吧毛遂自薦提供表演賺取生活費。 經過一年的演出，其他隊友都已回老家了，只剩阿強一人獨自在異鄉繼續他的理想。』 ──摘自『深圳音樂歷奇』。 在講飲飲食食的段落中，亦是和音樂有關，如： 『大家在一家酒家吃了一頓豐富的晚餐，邊食北方美食，邊暢談音樂， 席間由Michael Angelo、Steve Vai、談到Yes、Pink Floyd… 飯後眾人然後回Band房夾歌。』 ──摘自『深圳音樂歷奇』。 目的是讓大家知道，音樂人聚在一起，無時無刻，如食飯時都可以是談音樂。 有時加插了一些搞笑情節，都是道出要尋找音樂，都不是大家想像中自由自我的： 『嘟、嘟、嘟．．．』鹹蛋超人心口的紅燈響聲越來越急速了。 唔理咁多，盡情投入音樂之中喇！ 『When I was a little bitty baby，My mama would rock me in the cradle, In them old cotton fields back home．．．』 不安的嘟嘟聲響漸漸被充滿節奏感的音樂掩蓋。』 ──摘自『深圳音樂歷奇』。 『深圳音樂歷奇』下篇的超女篇，主題也全是環繞音樂。 包括遠道從東莞跑來考驗自己一下自己膽量的少女： 『事前戇男Ｄ與圖中藍衣少女閒聊，她說是從東莞專程而來， 因為好沒有上台演出的經驗，甚至很少唱卡拉OK， 參賽純粹是讓自己有一個公開面對群眾唱歌的經驗， 同時是考驗一下自己的膽量。 台上她的表演不錯，歌聲比一般好，而且很淡定。 可惜每一組只有一位勝出者，好沒有出線。 但是她人生之中起碼多了一次難忘經驗了。』 ──摘自『深圳音樂歷奇』。 甚至將社會現象的超女熱潮和民謠音樂互相對比： 『來自內蒙的歌手阿斯爾較少聽到這類懷舊英文民歌，不過音樂無分界限， 佢亦聽得興起，拿起馬田高歌內地一些民謠互Jam一番。 戇男M又口痕用口和吹。 十級琴手艾蒙迪冇琴在手也打掌拍和，一時間琴歌飄飄，長髮又飄飄， 令後梯間充滿一般即興的民謠風情。』 ──摘自『深圳音樂歷奇』。 另一音樂人在深圳的掠影介紹： 『查實，白衣女郎也是一位音樂人，是鋼琴及色士風高手。 不過內地好少見到有口琴架買，佢對戇男M的口琴架很有興趣， 所以請戇男M示範一下用法，戇男M係好人一個，當然唔會拒絕， 於是咪搵個靜少少地方示範一下囉，冇野既，純正音樂交流。』 『音樂歷奇一日遊』真的是整日都是環繞著音樂。 超女的演出名後梯音樂會完畢之後，眾人拉大隊去吃了一豐富晚餐， 跟著又去BAND房，又來個即興。 先是中國音樂，白衣女郎的鋼琴加保羅的小提琴合奏。』 ──摘自『深圳音樂歷奇』。 全文萬幾字一直都是很正面的報導音樂見聞，全是一班音樂發燒友的日誌。 只是當中加了一些搞笑hooker，希望引起大家的趣味。 最後，Chris哥哥最關心的『斷背』也只是一小段： 『雙方一個眼神示意，男技師即刻來個貼身的三點式斷背按肩。 何謂三點式？ 技師按肩表面上只是雙手擠壓，即兩點式按摩， 不過從照片角度，技師似乎還有第三點的神奇力量，同時按摩其背部 ，第三點力量從何而來？ 大家比較一下剛才遮面戇男的按肩照片和這照片中技師姿勢的分別， 便自有知分解了。 不知一向甚MAN的戇男P，在技師第三點不斷壓背之下， 會不會有『斷背』感覺。』 大家看後都應該知道這只是一個搞笑gimmick， 也是忠實地反映了『歷奇』的感覺。 當然如果要從萬五字中斷章取義，只抽這一段出來的話， 又確是難免令人誤會全文是一些另有含意的文章。 小弟無意在此喧賓奪主，以小弟的劣文佔據了這裡的空間， 只是將自己的感覺忠實地反映出來，及誠意向Chris哥哥請教， 自問再次觀看自己寫的全文，的確有些地方寫得稍為嬉戲， 但感覺是無傷大雅。 我只是一個喜愛音樂的人，我自問沒有資格去當青年人的導師， 更加不會網上教導青年人應該看甚麼，聽甚麼， 如果寫一篇遊記式文章，我相信忠實報導,真情地我手寫我心, 比篩選報導,或修飾的文字較重要。 如果Chris哥哥，以版主身份覺得我寫的文章中， 有任何用詞不當，小弟樂意刪改。 但閣下所講的甚麼 『只係咁既層次』、『我最擔心就係比我個唔識上網個阿媽睇到﹐佢會鬧架﹐以為我群埋D唔知咩人。』 講真的，或許小弟真的太敏感了，但仍然感到非常疑惑， 睇完Chris哥哥呢番說話，令小弟不禁問問自己，『究竟我係ｄ咩層次，又係ｄ咩人呢？』 是否要像Chris哥哥的境界才是高層次的人呢？ 望Chris哥哥解我困惑，謝謝！ Dear Brother Rod, I think my problem is not being sensitive, but being too not sensitive． 
|
| chrishui | 發表時間: 2006-06-15 11:58 |
青韻典堂級民歌好友  註冊日: 2003-12-21 來自: 音樂村 發表數: 1239 |
Re: 珠海音樂之旅 Derek 哥﹐
突然又幾版紙﹐真係又嚇我一跳。 層次既野﹐我只係用一種直覺來講﹐其實無 MUG 高與低﹐不過當時看了這幾句之後﹐ “幾個麻甩佬去完澳門，再轉戰珠海， 話俾人聽話去彈結他唱歌， 唔知有幾多人信。 呢張visa都唔易攞。 ” 就有的 X 週刊的封面標題Feel﹐只係欠一張濛查查的照片吧了﹐所以就當是X週刊層次LOR﹐幾大眾化呀﹐又賣得﹐不過我講的兩晚講真又唔係好大眾化BOR ﹐第一民歌已經少人聽 (我指真正的民歌) ﹐仲話講到愛爾蘭､蘇格蘭､英國添﹐第2晚的又新疆又藍調更是不屬主流 (Mainstream) 啦﹐所以在我自己的觀點來說﹐就很Alternative了﹐於是我的層次就是“非大眾化” 了﹐所以你想得太多了﹐我實在沒有高低之分。 老實講﹐這幾句其實都無MUG野既﹐仲留左好多空間比人想添。不過我既然是如實“報道” 而沒有“報導”﹐所以就不想別人有一個無無謂的想像空間﹐畢竟個4個“麻甩佬” 中﹐我係其中之一。所以我從來沒有覺得我是版主的問題而回應﹐我是當事人的身份回應。至於我群個D人咪就係Rod哥､PPM同 Samspon囉﹐但係佢地無野WOR ﹐不過卻被加上了“想像的空間” 來形容吧了﹐所以你又誤會左﹐我無把你放在“係ｄ咩人” 這個形容之內﹐你錯把自己對號入座了。 講多少少啦﹐太長D人就無心機看了。我從事電視行業多年﹐所以寫的野都會比較保守﹐以前我執D同事寫的 Synopsis都會執得好嚴﹐畢竟是一個大眾媒界﹐寫得出﹐就大把人看﹐最近森美個單野就係一個例子﹐可以好創意﹐可以好Gimmick ﹐不過就有一個後果﹐所以個時我地做野﹐都有D非明文的內部默契﹐當然幾個部門主管都是很有經驗之人LOR ﹐帶住班新人﹐知道個底線去到邊度﹐過到自己公司的 S&P ﹐最要緊是不會讓觀眾去影視處投訴。 所以我自己個兩篇就唔會有以下的攪笑了﹐而且我都驚PPM嬲架﹐攪笑既野都要睇下大家的關係有幾深。 “不過從照片角度，技師似乎還有第三點的神奇力量，同時按摩其背部 ，第三點力量從何而來？” 大家可以投下票﹐講下你地覺得第3點會是甚麼﹖ PS ﹕哈﹐呢一篇的點閱率真係勁﹗ |
| chrishui | 發表時間: 2006-06-15 12:02 |
青韻典堂級民歌好友 註冊日: 2003-12-21 來自: 音樂村 發表數: 1239 |
Re: 珠海音樂之旅 Dear Sonar﹐
係呀﹐真係好開心。不過玩左兩日﹐而家都仲回緊氣﹐好累呀。  |
| colacat | 發表時間: 2006-06-15 13:28 |
開始0係青韻的常客喇。   註冊日: 2006-02-10 來自: 九龍 發表數: 270 |
Re: 珠海音樂之旅 引文:
抖左幾日都仲係回緊氣, 你呢劑真係玩到謝囉. |
| whitehorse | 發表時間: 2006-06-15 13:37 |
青韻典堂級民歌好友  註冊日: 2003-12-13 來自: 八十年代的青韻民歌組 發表數: 2030 |
Re: 珠海音樂之旅 莫怪小弟多言，這裡是自由討論區，只要言論不是人身攻擊及粗言穢語，大家都可以隨自己個人風格，分享音樂喜好及個人感受，做到百花齊放，和而不同的效果。
|
| stranger | 發表時間: 2006-06-15 14:58 |
開始0係青韻的常客喇。  註冊日: 2006-06-15 來自: 發表數: 175 |
Re: 珠海音樂之旅 路過,對話題有Ｄ興趣,
咁啱,我都做咗電視好多年, 森美事件,我覺得並唔係因為太有創意,太gimmic而出事, 呢Ｄ投票題目,係人都諗到, 咁耐以嚟中外傳媒都無人用, 係因為知道唔用得,同創意,gimmic無關, 森美只係想draw attention ,𣎴過draw得失敗咁啫! 唔用gimmic,有嗰句講嗰句,確實係安全, 仲係最容易嘅做法, 正如,為怕食到細菌同病毒,就只係食飯一樣, 咁個人會唔夠營養,無晒抵抗力架啦! 森美事件表示佢無傳媒人嘅智慧, 杜絕gimmic同想像力,係窒住人嘅智慧, 總唔能夠斬腳趾避沙蟲,為怕越做越錯, 就寧願唔做唔錯, 學識攞平衡,make correct judgement with individual thinking, 先係最重要,年青人要學嘅嘢, 唔通唱歌就只可以唱校園民歌咩?! |
| chrishui | 發表時間: 2006-06-15 15:42 |
青韻典堂級民歌好友 註冊日: 2003-12-21 來自: 音樂村 發表數: 1239 |
Re: 珠海音樂之旅 Dear Stranger,
很喜歡你的一些論點﹐我覺得有創意及gimmic是很好的事﹐不過就要像你所講 學識攞平衡,make correct judgement with individual thinking。因為始終會對社會做成影響。 好像多年前的廣告﹐想做就去做﹐都要變成應做就去做﹐確實如果個個想做就去做﹐個個咁想﹐後果就好嚴重。 多年前地鐵個廣告﹐“MUG 你無籃用” ﹐幾創新﹐不過就教導人變成市井了﹐後來經過投訴就被人抽起了。 不過唱歌就只係可以唱校園民歌的比喻﹐我就唔多明了。因為音樂的類型太多﹐專心唱一樣野又無妨呀﹖當然樣樣都鍾意又幾好﹐至少可以擴闊層面﹐不過兩者並無衝突。 |
| chrishui | 發表時間: 2006-06-15 15:44 |
青韻典堂級民歌好友 註冊日: 2003-12-21 來自: 音樂村 發表數: 1239 |
Re: 珠海音樂之旅 Dear Colacat,
因為一落船就要練歌了﹐呢個星期都3次了﹐又要寫稿﹐邊有得回氣﹖ 星期6見喇。 |
| stranger | 發表時間: 2006-06-15 16:46 |
開始0係青韻的常客喇。 註冊日: 2006-06-15 來自: 發表數: 175 |
Re: 珠海音樂之旅 一個message,有發放人,有接收人,
發放人當然有責任同智慧去平衡, 做到樂而不淫,雅俗共賞, 但,接收人都責任自己去分析同判斷, 人地講乜你就做乜,自己都有問題啦! 雙方面都有責任架! 至於校園民歌嘅比喻,都同樣係話唔可以斬腳趾避沙蟲, 除咗正氣嘅校園民歌,乜嘢歌都可以聽,可以唱, 然後自己去判斷好唔好聽, 啱唔啱自己唱, 同發放訊都一樣,喺唔過份嘅情況下,應該容許有創意, 有gimmic,有個人風格,睇訊息嘅人都應該學識判斷,咁姐! 嘩! 估唔到要講到咁白! |
| « 1 (2) 3 » | |
| 樹狀顯示 | 新的在前 | 前一個主題 | 下一個主題 | |
| 無發表權 | |