 討論區主頁 網友談天室
如何分辨平仄聲 | 無發表權 |
| | 新的在前 | 前一個主題 | 下一個主題 | 頁尾 |
| 發表者 | 討論內容 |
|---|---|
| tccheung | 發表時間: 2006-07-02 19:35 |
青韻是我家!   註冊日: 2003-12-27 來自: 發表數: 468 |
Re: 如何分辨平仄聲 冇野，玩下啫。
|
| Sim | 發表時間: 2006-07-02 21:25 |
青韻典堂級民歌好友   註冊日: 2004-04-28 來自: 發表數: 1439 |
Re: 如何分辨平仄聲 shanshan哥哥,
對聯我都係好水皮, 你應該向才子TC兄台請教至啱。 TC兄台, 『才子』呢個稱號, 同『傻佬』一樣, 係人地俾既稱號,冇得唔認既。 自封係傻佬既, 一定唔係傻佬, 自封為才子既, 亦一定唔係才子。 黃霑從來冇認係才子,但香港人都封佢為一代才子喇。 同樣道理, 家陣呢樹個個都知你係才高八斗的才子,想唔認都唔得架喇。 淨係講平仄都講到咁精彩, 雖然我都係睇唔明, 不過冇所謂喇, 淨係睇下兄台的生花妙筆,已經值回票價。 我諗俾死鬼黃霑講,都冇咁精彩。 搵日要請兄台飲啤酒, 坐低慢慢討教至得。 之前我亦諗左d未對哂的垃圾聯, 大家得閒既話又幫幫手填埋去: 『飲欠食 xxx 包食唔飽』 『晴日青 xxx 山山日出』 仲有『上水居民居水上』的聯, 當時又諗左兩個, 不過當時風頭火勢, 冇貼出嚟, 家陣一次過貼埋出嚟, 當了件事, 唔駛個腦成日諗住D對聯: 『飛鵝山上山鵝飛』 『大坑屎渠屎坑大』 我時唔時都眼眉跳既, 兄台可否放一放小弟一馬。 
|
| Lydia | 發表時間: 2006-07-02 21:38 |
網站管理員   註冊日: 2003-12-10 來自: 北角 發表數: 820 |
Re: 如何分辨平仄聲 引文:
TC兄台, 久世前我未稱你才子時,我是稱呼你兄台的 由小妹第一日係網度欣賞你的文章之後,我巳認定你係才子了 我都係貪玩柴熱鬧,所以膽粗粗地試對一則,一早就知會唔合格了 有你的指教我幾身修到,又點會唔開心呢;我不會放棄的,一定會繼續學習繼續嘗試,小妹衷心多謝兄台的教導,有機會請你飲番杯呀
|
| tccheung | 發表時間: 2006-07-02 21:49 |
青韻是我家! 註冊日: 2003-12-27 來自: 發表數: 468 |
Re: 如何分辨平仄聲 //<張>長弓， 騎奇<馬>，<單>戈作戰。//
弊！衰左！個<馬>字其實又可以當姓氏解！點解我之前會睇唔出！ 才乜鬼子呀！我而家要面壁思過，閉門三日。自動收皮呀！ |
| PPM | 發表時間: 2006-07-02 23:50 |
青韻典堂級民歌好友  註冊日: 2003-12-10 來自: 發表數: 1352 |
Re: 如何分辨平仄聲 TC, 唔好收皮住, 下星期六又去歎吓下午茶咯
|
| tccheung | 發表時間: 2006-07-03 02:48 |
青韻是我家! 註冊日: 2003-12-27 來自: 發表數: 468 |
Re: 如何分辨平仄聲 PPM, OK！我唔會咁易收皮既。呢對上聯未算好絕，我唔去玩，唔係表示我玩唔起。等我第日精神D、得閒D，先至去收佢皮。
不過呢對上聯都算古惑陰濕，個(馬)字靜雞雞收埋响唔起眼果度，我一時大意，就咁俾佢呃左，如果我唔工整咁對出下聯，以後重邊有面見人？ |
| e.e. | 發表時間: 2006-07-03 15:04 |
青韻是我家!  註冊日: 2003-12-26 來自: 港島 發表數: 656 |
Re: 如何分辨平仄聲 引文:
|
| Lydia | 發表時間: 2006-07-03 16:14 |
網站管理員 註冊日: 2003-12-10 來自: 北角 發表數: 820 |
Re: 如何分辨平仄聲 引文:
e.e. 我唔練過又點會試對丫,點乜知都係衰咗
|
| colacat | 發表時間: 2006-07-03 16:29 |
開始0係青韻的常客喇。   註冊日: 2006-02-10 來自: 九龍 發表數: 270 |
Re: 如何分辨平仄聲 好似好難咁既.....
一大段野, 我冇心機睇添. ee 不如你下次當面話過我知 d 平仄點分丫. |
| tccheung | 發表時間: 2006-07-04 13:53 |
青韻是我家! 註冊日: 2003-12-27 來自: 發表數: 468 |
Re: 如何分辨平仄聲 引文:
(((((((手手)))))))) e.e.唔單止好野，第一次玩重可以將D上下平聲全部準確分辨出黎，我又有乜法子唔寫個「服」字呢？ 不過e.e.你精我都精，因為我之前已經話左//怕e.e.你間中會讀到走音//，咁啱你就真係唱錯左一個【仄】字。你將【仄】字唱成(？)//(則)，明顯係走左音。(仄)字應該唱成(？)//(真)，唔中！所以係仄聲字。(仄)係「入」聲字，我初初學粵音九聲有時都會攪錯左D入聲字。 不過今次未必係你既錯。唔通又係我錯？咁又唔係，呢次可能係唔知乜水既錯。 點解？因為我而家講既係中國傳統古老野，而且話到明土法煉鋼，當然係用中樂scale既so、ra；但係你用既係洋鬼子音樂既邏輯，會唔會係有D差異？我有時都會懷疑我用既so、ra唱出(皃)(衣)，你地既so、ra會唔會變左(皃)(意)？ 我成日好想問阿Eric哥呢樣野，但係佢雖然好熟scale，不過佢唔係生神仙，佢冇可能睇見我寫乜野，就會明白我要問既係乜野。我必需要响佢面前，唱出so、ra兩個音，佢先至可以分辨出我既so、ra，係咪即係番鬼佬音樂scale既so、ra？如果唔係又會係乜野音？ 不過未有機會面對面去問佢。 //【不】字我唱成 ..... 拔..........筆 ........【筆】字不是中了嗎？應是上平聲屬【平】。// 我再撿查我之前列舉咁多條範例，唯一攪錯左就係呢條，咁都俾你睇到。 不過e.e.唔好開心住，唔係你啱，只係我錯左。 【不】應該唱成(？)//(？)，夾硬唱都係唱成(？)//(崩)，點都係唔中！係仄聲。 (拔)(筆)又係「入」聲字，入聲字通常一讀完就要收(聲)，冇辦法拉長黎讀，唔似平聲字咁樣，可以讀出D尾音餘韻。 我寫多幾個入聲字俾你讀下，等你容易D知道入聲字係點樣「一讀完就要收」：(色)(的)(即)、(木)(獨)(綠)、(北)(特)(日)。 呢度再俾你一句七字訣：「入聲短促急收藏」，你記住佢，以後就唔會咁易將D入聲字攪錯變左平聲。 今次我地各自衰左一個字，呢舖算係打和。 //還有,請問兄台觸類旁通係點解的。我常見國畫書本有一系列書，書名就是觸類旁通。// 觸類旁通大概即係「融會貫通」。我之前叫左你//唔需要理會佢乜野上平下平左平右平高平低平前平後平//，但係你冇聽我講，自己將D上下平聲100%準確分辨出黎，呢D就係叫做「觸類旁通」啦！ |
| « 1 (2) 3 4 5 6 » | |
| | 新的在前 | 前一個主題 | 下一個主題 | |
| 無發表權 | |