 討論區主頁 網友談天室
如何分辨平仄聲 | 無發表權 |
| | 新的在前 | 前一個主題 | 下一個主題 | 頁尾 |
| 發表者 | 討論內容 |
|---|---|
| Sim | 發表時間: 2006-07-04 21:42 |
青韻典堂級民歌好友   註冊日: 2004-04-28 來自: 發表數: 1439 |
Re: 如何分辨平仄聲 TC兄台,
你講的so ra, 冇錯便是西樂的so re, 粵音可讀作『傻 呢』。即簡譜的5 2(高八度) 亦即係粵曲中的『合 尺』(音河車)。 經TC苦口婆心引導, 家陣我都明咩係平仄喇。 原來當一個字用『傻 呢』這兩個音嚟讀, 是但中一個音, 就係平聲, 好簡單, 『傻』本身就係上平, 『呢』就係下平。 『唔 該』又係上下平。 『是 但』,變『 時 單』 音, 就係仄。 簡單d, 只要記住『傻 呢』兩個字, 就分到。 真係好易。 而『合 尺』同中樂有關, 即係話原來詩、詞、聯的音韻同樂韻又有關, 呢舖真係學左好多野, 唔該才子tc兄台先。 不過我又要打爛砂盤問到篤, 古人應該用類似普通話去吟詩作句, 咁當中的平仄又是否和粵音相同呢?
|
| colacat | 發表時間: 2006-07-04 22:56 |
開始0係青韻的常客喇。   註冊日: 2006-02-10 來自: 九龍 發表數: 270 |
Re: 如何分辨平仄聲  唔明呀, 唔明呀~~~ |
| e.e. | 發表時間: 2006-07-04 23:24 |
青韻是我家!   註冊日: 2003-12-26 來自: 港島 發表數: 656 |
Re: 如何分辨平仄聲 引文:
|
| PPM | 發表時間: 2006-07-04 23:27 |
青韻典堂級民歌好友  註冊日: 2003-12-10 來自: 發表數: 1352 |
Re: 如何分辨平仄聲 一位女TC誕生啦
  
|
| e.e. | 發表時間: 2006-07-05 02:40 |
青韻是我家! 註冊日: 2003-12-26 來自: 港島 發表數: 656 |
Re: 如何分辨平仄聲 例:
妙少女，艷色豐，手莫亂摸。(摸)字粵音可讀(麼)，是平聲字 仄仄仄，仄仄平，仄仄仄平 TC 前輩，個【色】字應該係點唱的？ 我唱出來是 .......？.........適......上平聲，【平】 還有一個疑問 .... 其實應該點問呢？!  拿，例如先前個【不】字，我唱成.......？.......畢，但前輩你就唱成......？........崩 ...... 其實個標準係點樣定的，有沒有一個標準令我們知道怎樣才是標準，例如每個人的聲線音域都唔同，有些人唱 的調是 C 調，有些人唱的會高或低於 C 調。樂器有調音器可以準確地確定，但我們唱平仄聲又用什麼方法去確定哩。 嘻嘻，弟子愚蠢，唔知前輩明唔明我講乜野哩。 ************************************** 現在是 3:50 am 睇完世界杯上半場再唱過 ... 【色】 .......？.......昇.......
|
| tccheung | 發表時間: 2006-07-05 07:37 |
青韻是我家!  註冊日: 2003-12-27 來自: 發表數: 468 |
Re: 如何分辨平仄聲 Derek老弟,
冇錯！我用既so ra, 就係工尺譜「合」「尺」兩個音，我地叫做(河)(車)，簡譜我地叫做(傻) (呢)；死鬼霑叔平時玩既係西樂，但對中樂一樣熟到不得了，所以佢一樣成日傻呢傻呢，唔會講做so ra so ra。 我之前講過//平仄呢家野，唔識既會俾佢嚇親，識左之後同樣會俾佢嚇親。點解？因為佢容易到你唔相信，容易到嚇親你。//上次我匆匆忙忙，講漏左一句：如果你再要深入認識平仄，唔單止會嚇親你，直情會嚇到你腳軟！ 平仄即係聲韻既野，入於語言學既範疇，而且同音樂環環相扣，係一門山高水深既大學問。 咁你係咪曾經深入認識平仄聲韻既野？ 咁又唔係。我只係曾經想過學下聲韻既野玩下，不過重未去到大門口，發覺裏面庭園岑寂，曲徑幽深，嚇到雞咁腳走人。自始之後，再唔敢隨隨便便同人講「語言學」呢三個字。 //而『合 尺』同中樂有關, 即係話原來詩、詞、聯的音韻同樂韻又有關,// 同樣冇錯！平仄聲韻本身就係音樂。我地成日講「詩歌、詩歌」，講既係一首詩，同時係講緊一首歌(音樂)。 //不過我又要打爛砂盤問到篤, 古人應該用類似普通話去吟詩作句,// 咁當中的平仄又是否和粵音相同呢?// 古代中國同而家一樣，各處地方有各自既方言。但現代語言學者都會以中原口音為研究對象(河南鄭州週邊、黃河流域一帶)，因為果度係中華文化既發源地。 古人一定唔係用類似普通話去吟詩作句，因為我地响普通話既發音好難搵到一D古代用既聲韻(古韻)。普通話其實係源自河北地方一種鄉下土話，再溝埋匈奴(突厥)人既語言，發展成為而家既國語，既係普通話係「打亂種」既語言，唔係純正漢語。 反而粵音既用詞同發音，就搵到好多古韻。 (呢D係以事議事，並唔係我係廣東人先至咁講，你可以去問下D老叔父，佢地一樣咁答你。) //咁當中的「平仄」又是否和粵音相同呢?// 你先要攪清楚一個概念：(平)就有平聲音韻。但「仄」用現代人去講，佢只係一個代言人，你鍾意叫佢做agent都得。因為裏面實際運作既係(上)、(去)、(入)三聲。 要講真係有排講，下舖先。 ************************** e.e., Derek平時舉一反三，即係你講一句，佢駁返你三句，佢駁咀駁舌咁叻，又點會唔明呢？佢話//「傻」上平、「呢」下平//，應該只係手快快調轉左。 //『唔 該』又係上下平。//「唔」字讀成(唔)(ng)，下平聲。「該」字讀成(?)(該)，上平聲。又係上下調轉左。 //『是 但』,變『 時 單』 音, 就係仄。//(是)(但)兩個字都係仄聲、變左(時)(單)就兩個字都係平聲，佢講得出黎，應該都冇攪錯。 佢條友擒日梗係趕住走去睇波，攪到調轉晒。 ************************************* //現在是 3:50 am 睇完世界杯上半場再唱過 ...【色】 //..？...昇.// 冇錯啦！冇錯啦！「色」你竟然識得唱成(?)(星)，進度超乎我既估計。但如果你識得唱成(成)(星)，咁呢檔野可以交俾你打骰啦！ (色)又係一個入聲字。你地初初學平仄，間中响入聲字都會攪錯左。 如果換轉係derek，應該冇咁容易失手，因為佢話晒都係歌手，一讀錯佢會知道係走左音。 (色)係粵音九聲既「上入聲」，上入聲既字讀出黎好似上平聲咁嚮，但嚮而不亮，因為讀唔出尾音，係「入聲短促急收藏」。我估計你開始讀成(？)(適)，覺得好似走左音，有D唔對路，再夾硬去讀出個尾音，發覺個尾音好似漸漸變左(星)，所以就咁俾你搵到。 我一早同你講左，叫你唔好睇小呢種土法煉鋼，因為廣東話本身係有調性既語言，下平、上平聲字分別係食入去so, ra兩個音，就連尾音都食得入，而且係100%準確。所以如果你音準好，命中率同樣係100%！ 不過如果換轉係時下D靚仔靚妹就唔敢包，佢地為左要夠潮，會苦練去學懶音，其「音」不正，學一世都唔會學識。 其實學平仄，最正路既方法就係由粵音九聲入手，但係點解我要教你地用呢種土法煉鋼？因為我睇見你地玩對聯，先至睇到你地係唔識對聯句式既平仄格律，就連平仄既概念都冇；但係你地個個都識彈下結他、唱下歌仔(除左我)，呢種方法啱晒合尺(何車)。要吟詩作對，識得平仄重未夠，重要識得句式既平仄格律，並唔係上聯末字用仄聲、下聯末字用平聲咁簡單，呢D下次先講俾你地知。 好多人都識粵音九聲，但知道廣東話係有調性語言既就好少有；其實除左上下平聲可以食入so ra，其它粵音九聲既字，都有自己既tone，一樣可以食入去其它音調，但呢D要講真係有排講。 食早餐返工。 |
| Sim | 發表時間: 2006-07-05 17:04 |
青韻典堂級民歌好友 註冊日: 2004-04-28 來自: 發表數: 1439 |
Re: 如何分辨平仄聲 TC兄台,
以後在兄台的的檔口,小弟都係唔敢亂咁問野, 因為兄台的知識,就像一個無低深潭, 深不見底。 只係一個河車平仄問題, 就已經牽連甚廣。 兄台就算從淺入深, 係咁意講下,已經一時又「語言學」, 一時又『河南鄭州週邊、黃河流域一帶』， 一時又『源自河北地方一種鄉下土話，再溝埋匈奴(突厥)人既語言』， 搞到小弟頭都痕埋, 慘過上堂做paper, 不知從何入手再問野。 如果再問落下, 搞到兄台忍唔住發功, 從無底深潭的知識寶庫中Show少少quali出嚟, 小弟到時連世界盃決賽法國對意大利(我估)都唔得閒睇, 因為要挑燈研讀兄台的文章,細味其中一字一句的知識, 因為既然問得問題, 兄台又不厭其煩耐心回答, 作為發問者係有責任去明白答案, 但又怕自己睇唔明, 咁就真自己攞嚟賤。 好彩暫時叫做明d唔明d, 『傻呢』冇錯上下平係掉轉左, 多謝ee指正。 至於兄台講的粵音九韻, 讀書時都讀過, 不過已經全部還返哂俾先生, 家陣只係殘留幾個平上去入音, 如東董凍篤, 知指智唧, 但唔記得後面仲有5個音點讀。 衰多口, 又問野, 望兄台就住答, 唔好答咁深住, 等我明左最淺部份先。 
|
| 一葉舟 | 發表時間: 2006-07-06 20:50 |
開始0係青韻的常客喇。 註冊日: 2004-10-24 來自: 新界 發表數: 92 |
Re: 如何分辨平仄聲 TC才子/老師/學兄,
你講0既平仄問題真係好深入，我呢排睇世界盃搞到魂不附體，遲啲再慢慢學習。Sim兄同ee領悟力都好犀利。 那兩句對聯，我在網上看見一些答案，都唔錯︰ (一)上水居民居水上 下聯︰ 泰國乘客乘國泰 山西遊客遊西山 東華捐款捐華東 下一站可站一下 士多食客食多士 海南遊客遊南海 機舖一蚊一舖機 中學教師教學中 本日行程行日本 旺角街頭街角旺 大霧山上山霧大 深井水伯水井深 中山隱士隱山中 昆明擺檔擺明昆 (二)張長弓，騎奇馬，單戈作戰 下聯︰ 嫁家女,孕乃子,生男曰甥(這句是標準答案)
|
| tccheung | 發表時間: 2006-07-06 23:03 |
青韻是我家! 註冊日: 2003-12-27 來自: 發表數: 468 |
Re: 如何分辨平仄聲 Derek老弟,
//原來當一個字用『傻 呢』這兩個音嚟讀, 是但中一個音, 就係平聲, 好簡單// 冇理由咁簡單既野，都會有咁多人唔明白。我一直冇樂器在手，怕自己會係斷估。 我一睇見你咁寫出黎，所以知道你係最明白我既意思。 你試下用結他彈出(低)so/ra兩粒音，係咪食得入「傻//呢」或者係「人//恩」？ 如果食唔入，會唔會係(低)so/mi？ e.e.你都可以試下，然後話比我知係(低)so/ra抑或(低)so/mi先至食得入下/上平聲字？ |
| Sim | 發表時間: 2006-07-07 00:44 |
青韻典堂級民歌好友 註冊日: 2004-04-28 來自: 發表數: 1439 |
Re: 如何分辨平仄聲 兄台,
星期六叫ERIC彈『傻呢』同『傻MI』兩粒音過你參詳一下, 同時你開咪示範唱『河車』，睇下同唔同音咪得囉
|
| « 1 2 (3) 4 5 6 » | |
| | 新的在前 | 前一個主題 | 下一個主題 | |
| 無發表權 | |