 討論區主頁 網友談天室
祝青韻哥弟姊妹們，聖誕快樂 ...新年進步！ | 無發表權 |
| | 新的在前 | 前一個主題 | 下一個主題 | 頁尾 |
| 發表者 | 討論內容 |
|---|---|
| tccheung | 發表時間: 2006-12-28 21:48 |
青韻是我家!   註冊日: 2003-12-27 來自: 發表數: 468 |
Re: 祝青韻哥弟姊妹們，聖誕快樂！ //唉，我現在才覺得Derek老弟是一個善良?純之人，我以前真的錯怪了他。』
拿，講明先，今次真係好奇先問咋，唔係任何「摳字眼兒」的勁爆舉動呀！ 睇到tccheung先生即時的回應，感動之餘，發現一個疑問，一個咋！！ 「溫純」呢個詞語個「純」字，我查字典查到溫「馴」，做功課睇白先勇的《我們看菊花去》，就睇到係溫「順」。咁......到底邊個先arm？？？ // Kwan小朋友：TC佢怕得要死，已經著草返左鄉下避風頭。既然佢走左佬，咁我就代佢答你兩句：「純」字可以解釋成「質樸無華」，有「本性」既意思。 溫馴/順？你以為我是好欺負嗎？ (Derek代覆) |
| Sim | 發表時間: 2006-12-29 00:34 |
青韻典堂級民歌好友   註冊日: 2004-04-28 來自: 發表數: 1439 |
Re: 祝青韻哥弟姊妹們，聖誕快樂！ 世界上最好打既人係邊個?
冇錯, 就係李小龍! 所以好多人都想挑戰佢, 成日有人嬲李小龍打交, 希望可以响世界上最好打既人身上攞返d彩。 不過咁耐以嚟, 冇人打得臝過李小龍。 以上故事其實同本文無關, 而本文亦同本topic無關, 所以唔駛咁認真。 講返TC兄台形容Derek老弟『溫純』, 不是『溫馴』, 又不是『溫順』, 實是文字高手也, 何解? 首先大家對個『溫』字應該沒有異議, 『温』本義是不熱不冷的意思. 形容人就是有『溫文』的意思。即係話這人唔係好惡死, 又唔算淋到任人『恰』, 加埋個『文』字, 即係有點『文化素質』意思。 所以TC兄台沒有以『溫文』來形容Derek老弟。 而『馴』字本義是Tamed, 有『馴服』的意思。 通常用在野生動身上, 野生動物如果被人類豢養, 而變得可以和人相處, 便是『馴』. 英文『Tamed』, 所以衍生出來的『溫馴』, 都是用來形容禽鳥獸魚等動物(即不包括人), 如一隻溫馴的小貓, 一隻溫馴的大象等。 如果有人形容另一個人『溫馴』, 那是對此字的無知, 否則便是一種侮辱。 Derek老弟係人一個, 唔係禽獸, 所以TC兄台唔會用『溫馴』來形容佢。 至於『順』, 有『依從』的意思, 話一個人『溫順』, 即係話佢好『順』得人, 唔容易同人拗頸, 間接又有指佢唔容易發嬲的意思。 如果有看過Derek老弟的文章, 都知佢唔係一個咁既人,, 仲可能係相反, 即包拗頸果亭。 所以TC兄台更不會用『溫順』來形容佢。 好喇, 用『溫純』又得唔得呢? 文字係人類發明既, 所以文字是用來服務人, 不是人來服務文字。 古今中外, 任何一詞語, 最先都是沒有, 然後有人創造出來, 大家覺得啱用, 就流傳下世, 這便是『文化』。 而『純』, 正如TC兄台話齋, 有「質樸無華」之意。 睇過Derek老弟的文, 都知佢唔擅於修飾文彩, (更不擅於詞令), 佢份人亦算『質樸』同『無華』, 即冇花巧, (即暗指冇料到) 所以TC兄台以『溫純』形容Derek老弟, 是已經將文字玩得爐火純青境界, 不可用坊間常識或香港式教育之知識去品評也。 李小龍, 真係好好打, 冇人打得佢臝, 除非佢自己咋輸, tum下大家開心姐。 
|
| Kwan | 發表時間: 2006-12-29 00:37 |
開始0係青韻的常客喇。   註冊日: 2006-11-06 來自: Tokwawan 發表數: 114 |
Re: 祝青韻哥弟姊妹們，聖誕快樂！ .
|
| tccheung | 發表時間: 2006-12-31 06:13 |
青韻是我家! 註冊日: 2003-12-27 來自: 發表數: 468 |
Re: 祝青韻哥弟姊妹們，聖誕快樂！ Kwan小朋友：TC兄台佢而家響鄉下食緊狗肉，你唔使搵佢啦。
佢叫我話比你知：村上呢種「無聊」響佢既小說成日都有出現，因為村上認為呢種「無聊」已經係好真實咁存在響現代人既生活世界，佢重叫你唔好當呢D「無聊」係笑話，應該黑起塊面、好嚴肅咁去思考下點解村上要咁「無聊」。 TC兄台話佢只係睇過村上早期既幾本小說，後期村上既書多數係由一個台灣婆去翻譯，佢睇到眼冤所以冇睇落去。佢估計台灣婆只係揸住本中日大字典，逐隻字逐隻字咁去譯出黎。佢重話村上既小說由呢個婆娘去翻譯，係現代小說史上悲劇之中既悲劇。 Kwan小朋友：其實你咁得閒，點解唔去搵<海邊的卡夫卡>既英文譯本，睇下「原來如此，如此肚臍，肚臍臍出芝，撒一把芝，變出一道麻辣火鍋，這樣子啊。真是勇氣倍增。」呢一段，人地洋鬼子係點樣翻譯？搵到就最好貼出黎俾大家參詳下。不過呢D係我個人意見，唔關TC兄台既事，你要怪就怪我，唔好怪佢。 Derek |
| adamchow | 發表時間: 2006-12-31 15:10 |
青韻是我家!  註冊日: 2005-04-05 來自: M.A.D 發表數: 302 |
Re: 祝青韻哥弟姊妹們，聖誕快樂！ Kwan小朋友：
Derek先生(又名Sim哥)查實唔係什麼電腦奇才，只要同tccheung大佬 借個password玩吓就掂，但此舉相當騎呢，不應助長也！ 見小Kwan用Bee Gees作為"大頭照"，估計亦是知音者，話你知啦... Sim哥不單只係"包拗頸"果亭人，亦係唱家班嚟𠺢，小弟就曾經聽個 有人稱他為HK Don Henley (即Eagles之主音)。 如閣下想一睹Sim哥之風彩，今晚(New Year Eve)嚟九龍YWCA喇！ http://cwfolknet.com/html/modules/newbb/viewtopic.php?topic_id=2227&forum=1&post_id=20203#forumpost20203
|
| Kwan | 發表時間: 2006-12-31 18:14 |
開始0係青韻的常客喇。 註冊日: 2006-11-06 來自: Tokwawan 發表數: 114 |
Re: 祝青韻哥弟姊妹們，聖誕快樂！ .
|
| Sim | 發表時間: 2007-01-01 07:28 |
青韻典堂級民歌好友 註冊日: 2004-04-28 來自: 發表數: 1439 |
Re: 祝青韻哥弟姊妹們，聖誕快樂！ 關小朋友，
首先說聲新年快樂！ 你咁多問題，真是一位問題兒童，同我一樣！ 我雖然已經唔係兒童，但我在中一時，因在堂上有太多問題發問， 版班主任限令我每堂只可以發問三次。 雖然每堂都好小心，想清楚至發問，但得個三qouta，好快就問哂， 唯有坐定定聽書，冇得問野，好慘。 不過，原來問得多，有時唔單上問唔到答案，仲越問越多問題出來。 所以，問題真係要問得精，唔好濫問，否則都頗傷神。 村上春樹我都睇過幾本，雖然有些情節及心理描寫都不錯， 但總覺得只是消閒的『潮流』讀物。 日本作家，我較喜歡松本清張，他是推理小說大師不用說， 其作品其實也有一定文學性。 另外，川端康成我也看過，其筆觸十分細膩，村上根本不能與他相比。 如要怪雞一點，日本應該大把這類作家，但有中譯本的好像不多． 我讀書時便曾喜歡過星宿一（唔知有冇記錯名）， 特別是他的『箱子裹的男人』特別深印象，因為我覺得佢偷左我條橋！ 至於叫村上的，除了春樹，我也識另一個：村上麗奈， 她雖然不是一位作家，不過很多男人喜歡看她的作品。 查實，家陣我已很少看書了，得閒就要拿起結他彈下。 再唔係又要BOW下碟，即係果ｄ LOST呀、Prison Break呀咁， 搞到個人冇哂文學修養。 不過，Kwan小朋友的求知欲咁強，又咁好學， 令我覺得家陣ｄ學生唔係個個都淨係識打機。 咦，你咁多問題，俾我問返你一個問題得唔得？ 因為係私人問題，如果得就PM問你，唔得就响樹問左去算。 差ｄ唔記得澄清，小弟冇用過TC兄台的戶口及密碼回覆過你。 佢視小弟係一個麻煩友，又點會俾佢個密碼去亂咁答人呢？ 那個Derek如果不是另有其人，便是TC兄台自己扮鬼扮馬Tum大家開心， 佢份人鬧人時雖然好似好惡死，但係玩起上嚟又好鬼馬， 佢其實好鐘意人地問佢野，不過最好唔好用請教的語氣， 要用挑戰的語氣，咁佢先至出真功夫『反駁』你， 好似家陣咁，激下佢，咁佢不知不覺咁就過左好多料出嚟， 今次你都好成功，仲搞到佢用分身答你咁鬼馬潻。
|
| Kwan | 發表時間: 2007-01-01 15:51 |
開始0係青韻的常客喇。 註冊日: 2006-11-06 來自: Tokwawan 發表數: 114 |
Re: 祝青韻哥弟姊妹們，聖誕快樂！ .
|
| Sim | 發表時間: 2007-01-06 00:20 |
青韻典堂級民歌好友 註冊日: 2004-04-28 來自: 發表數: 1439 |
Re: 祝青韻哥弟姊妹們，聖誕快樂！ Kwan學友,
你話對於春樹作品中的無聊描述有好認真的思考, 令小弟突然想起一本香港人出的奇書,名為『都市無聊學』。 此書絕版多時, 如你有興趣思考無聊, 公立圖書館中應該還有得借閱。
|
| Kwan | 發表時間: 2007-01-06 14:13 |
開始0係青韻的常客喇。 註冊日: 2006-11-06 來自: Tokwawan 發表數: 114 |
Re: 祝青韻哥弟姊妹們，聖誕快樂！ .
|
| « 1 2 3 (4) 5 6 7 ... 24 » | |
| | 新的在前 | 前一個主題 | 下一個主題 | |
| 無發表權 | |