我第一次上來這個網,^^見識到好多叻人玩結他,而自己學結他又是初哥,有好多問題想請教下呀,唔該!! 我想問下呢,那個韓國小朋友玩的算是咩類型呢?因為我真的好喜歡他所彈的類型,不過我都知他玩到是好勁的級數又是天才,我希望可以由低學起,如果出去學是流行or古典呢?我真的搞不清....同埋大家知唔知邊到有得學呀,?又想問下這裡的結他友,你們是自學的嗎?我見識小呀,我見到你地玩到押尾的歌我覺得你地好勁呀^^你地有冇出去教人玩結他呀?thank you

嘿嘿, o係我師傅處有得學.

----------------

phoebe886:
那個小孩玩的屬於現代FingerStyle吧。
呢家香港好似未有很系統的FingerStyle教程... 如果打算長玩的話，由古典開始也是不錯的~
如果真的想一開始就玩現代FingerStyle，找sonar談談吧~

但係呢,我乜都唔識如果一開始開FingerStyle會唔會好困難呢?同埋我想問玩FingerStyle係咪一定用鋼線結他呀?還是真係要學了古典之後先去學,會好些呢?thx and請問你colacat你師傅在那裡教的thx

唔知有冇參考作用呢?

http://cwfolknet.com/html/modules/xoopsfaq/index.php?cat_id=3

我就覺得學古典結他先會好少少，ColaCat個師傅都好似係，Eric，對嗎?

古典結他底子好的，將來彈其他類型的結他音樂的音色掌握應該會好些。

----------------
"推廣民歌。服務社群。鍛鍊自我"

貓之師傅 = sonar .

呵呵, 乃係押尾既香港區代表.


按常理學古典先, 會根基好 d , 不過學結他最緊要係學自己鍾意既野既, 你上 youtube 搵 d 片, 睇o下 d 大師演奏既古典結他, 睇o下鍾唔鍾意先啦!

----------------

phoebe886：

歡迎到呢個網站玩！

其實想玩得好結他唔難的，只要循步漸進就可以了。

正常來說，玩結他同玩其他樂器咁，都要打好一定的基礎。唔同類型的結他音樂，如古典結他、西班牙結他、電結他、jazz結他、Blues結他、pop結他、rock結他等等都有唔同要求。

很多結他音樂其實都係可以有系統咁讀的，而且還會有試／級考（當然唔係阿爸考阿仔咁兒戲）。當你掌握到相當基礎後，你就會發現條路係好闊好大，可以好多發展。當識得多同玩得多唔同嘢之後就可以集百家所長，發揮自己想玩的音樂。

你見到的日式fingerstyle係一種較新同少見的結他音樂。集合很多類型的音樂係一首歌入面。想玩得好都要同其他的結他音樂一樣，請先向基礎功埋手。

不過，唔知係咪香港人睇得港式功夫片多，以為真係可以俾呢高人 "we wung wung, we wung wung" 三兩個時辰就可以做武林盟主，或練一年半載 "神功" 就可以獨步武林。 　

其實，呢類人九成九都係會半途而廢的；或所謂 "學" 得幾年後，都只係是花拳繡腿、有形無實、鬆鬆散散 、"唔識就俾佢嚇死，識就俾佢笑死個隻" 。但佢地用的時間係俾乖乖地循步漸進的人用得多好多時間，亦都會較辛苦。你話一個小學一年班的學生去計 Physics的數，俾多幾年佢去計可以有乜野成績呢？

簡單來說，玩邊類形的結他音樂都好，一定要循步漸進；不然就事倍功半 。

最後打個比喻，邊個小朋友都可以有個夢想去做飛機師、律師、太空人。不過都一定要按住前人經驗做出來的課程，由幼稚園小學咁一路讀上去。 當你聽到個初學的人說我只想練Ｄ乜、學Ｄ乜、唔會去練Ｄ乜、或唔會去學Ｄ乜時，就等於見到個幼稚園／小學細路講佢好想做工程師，但只會讀佢自己鍾意讀的科 。咁佢會有幾叻／可以幾叻呢？

Aim High and Score High! Have fun and Merry X'mas!

----------------

>> 呵呵, 乃係押尾既香港區代表.

小弟對 Eric 的功夫並無保留。

雖然大家只係吹吓水，不過如果無實質證據請不要在本網／版吹得大太，不然大家都會好難落台呢。

謝謝幫忙！

----------------

phoebe886, 如果初學結他. 其實無乜所謂呢. 唔駛諗得咁遠同覆雜呢. 搵身邊任何一個識彈既朋友教下又或者去任何一間琴行都總會有得著. 學下基本技巧. 彈返幾隻歌仔先. 睇下係咪真係對結他有興趣.. 慢慢先再向目標出發阿!

嘩!實在太開心啦,有咁多人回覆我,你們好熱情哦,謝謝你們回答我的問題,讓我終於知道押尾彈的是fingerstyle,也有些概念,應該從那裡學起,我之前都有接觸過古典,又學下流行又好似唔知自己想學d乜...現在有了方向,我會好好的打好個底子 謝謝大家,第時有機會真的想向你們學下野呀