討論區主頁 中港台民歌 來自東瀛的「當年相戀意中人」 | 無發表權 |
| 新的在前 | 前一個主題 | 下一個主題 | 頁尾 |
發表者 | 討論內容 |
---|---|
stranger | 發表時間: 2007-01-30 17:17 |
開始0係青韻的常客喇。 註冊日: 2006-06-15 來自: 發表數: 175 |
Re: 來自東瀛的「當年相戀意中人」 以前D明星都好有星味,多才多藝!
好似國語片明星「星星,月亮,太陽」入面嘅葛蘭,葉楓,尤敏, 個個各有氣質, 粵語片女星都唔弱呀! 林鳳,嘉玲,白燕,都星味十足, 而家大部份藝人都欠缺呢D星味同氣質! 所以無辦法唔懷舊囉! 哎! 實又話我唔似19歲啦! 唔呃你嘞!其實我唔止19歲嘅, 我20歲吖馬!! |
adamchow | 發表時間: 2007-01-30 22:18 |
青韻是我家! 註冊日: 2005-04-05 來自: M.A.D 發表數: 302 |
Re: 來自東瀛的「當年相戀意中人」 講真吖,睇落列打希和芙點都高過葛蘭十幾皮。
嗱...包括眼砷、咀部控制、肩膀、節奏感、身體語言、舞蹈感...全輸! 只有升Key同最尾嗰句Jajambo先至攞番D分!(但面部表情始於欠奉) 經小弟長期細心觀察,中國人嘅演技、舞蹈、歌唱、藝術嘅基因...Sorry,係冇西方人噤早開發!(Mel Sir, 有冇補充?) 20歲嘅Stranger, 葛蘭、葉楓、尤敏、林鳳、嘉玲、白燕以至現代的Stephen Chow...其實都係冇乜表情嘅...
|
Sim | 發表時間: 2007-01-30 22:38 |
青韻典堂級民歌好友 註冊日: 2004-04-28 來自: 發表數: 1439 |
Re: 來自東瀛的「當年相戀意中人」
|
stranger | 發表時間: 2007-01-30 23:15 |
開始0係青韻的常客喇。 註冊日: 2006-06-15 來自: 發表數: 175 |
Re: 來自東瀛的「當年相戀意中人」 演技嘅嘢好難講嘅!
康城影后張曼玉,都有讚有彈, 梅麗史翠普都有人唔鍾意! 至於stephen chow(係咪至周星馳呀),更加係你受佢嗰套就話正,唔受就話流, 所以,只可以話鍾意同唔鍾意某人嘅演技, 西方明星好演技嘅亦唔多! rita haythworth 都係形體美方面,某D口味可能覺得佢優勝, 講演技都係見人見智, 好嘞!唔講演技,單講星味同氣質, 我覺得葛蘭,葉楓,尤敏,林凰,嘉玲,白燕唔輸蝕架! 東方女星嘅星味同氣質,西方荷里活巨星都未必有, 當然西方人有嘅味道東方人亦係無, 所以都好難比較, 所以我話係各有千秋姐! 至於東方明星,以前同而家嗰D比較,淨講星味同氣質, 我覺得現代藝人"絕對"比唔上! adamchow 寫道: 講真吖,睇落列打希和芙點都高過葛蘭十幾皮。 嗱...包括眼砷、咀部控制、肩膀、節奏感、身體語言、舞蹈感...全輸! 只有升Key同最尾嗰句Jajambo先至攞番D分!(但面部表情始於欠奉) 經小弟長期細心觀察,中國人嘅演技、舞蹈、歌唱、藝術嘅基因...Sorry,係冇西方人噤早開發!(Mel Sir, 有冇補充?) 20歲嘅Stranger, 葛蘭、葉楓、尤敏、林鳳、嘉玲、白燕以至現代的Stephen Chow...其實都係冇乜表情嘅... |
stranger | 發表時間: 2007-01-30 23:31 |
開始0係青韻的常客喇。 註冊日: 2006-06-15 來自: 發表數: 175 |
Re: 來自東瀛的「當年相戀意中人」 補充,講到演技見人見智呢家嘢,
以同係喜劇明星作比較, 本人覺得周星馳比Jim Gary何止好10倍!! 當然係個人品味嘅問題, 不過我認為同東,西方人演藝基因開發早定遲無乜關係! 講到藝術方面,我更加唔認為西方人藝術基因比東方人早, 不過我又無心機去再揾番D「東,西方藝術文化比較」嘅資料去引證lu!! 唯有話"我認為"囉! 其實,邊個開發先定後,同turn out嘅結果優定劣,都唔一定 有關! |
Sim | 發表時間: 2007-01-31 00:09 |
青韻典堂級民歌好友 註冊日: 2004-04-28 來自: 發表數: 1439 |
Re: 來自東瀛的「當年相戀意中人」 引文:
在小弟眼中,,反而係葛蘭高過列打希和芙十幾斑喎! 列打希和芙係演得好,不過佢以賣弄性感多d, 好多動作例如:拎頭FING髮,雙手撥弄頭髮,微微眼,小du嘴, 加埋低胸窄身裙,扭動蛇腰,除手襪fing…etc 一個大美人做齊以上咁多野,點會唔好睇?有咩辦法唔殺死人? 不過,以上都係鬼妹standard招牌性感動作,並無難度, 其他夢露等性感女星,都是這幾招取勝。 唯一令我覺得佢好野之處,是佢微灣腰扭動時,同時舉起雙手擺動的動作, 此動作平常人做會好Odd,(唔信大家即刻試下),不過列打希和芙就做得好先自然, 好啱音樂節奏潻。 睇返葛蘭場Jajambo,佢完全冇以上的賣弄性感動作, 佢賣既完全係,好難演出來的『騷在骨子裡』! 一個女人,如果『騷』得唔好,就變成『姣』, 如果一個唔靚的女人,『騷』得唔好變成『姣』,仲更加難頂。 葛蘭不算是大美人,但佢『騷』得嚟,不單沒有難頂感覺,而且覺得佢好自然,而是真係出自內心的『騷』, 她的騷味散發全場,加上佻皮的笑容,很有令在場每個男人為之神魂傾倒的感覺, 佢係純粹以個人魅力『壓』場, 而且佢仲要邊唱邊與周遭不同男人Interact, 難度又高一級, 加上佢妙絕的歌聲,同一首令人熱血沸騰的Jajambo, 葛蘭的演出簡直係驚為天人,最尾的爆射式氣音收式,更是令人拍案叫絕! 單是以這一場戲,我已決定要買這『野玫瑰之戀』來看過飽。 至於話:『葛蘭、葉楓、尤敏、林鳳、嘉玲、白燕以至現代的Stephen Chow...其實都係冇乜表情嘅...』 冇錯,以前的電影中的演員,的確冇乜表情,甚至佢地講野都唔會有咩抑揚頓挫。 典型例子:張活游、張英、張英才、曹達華、吳楚帆... 佢地無論喜怒衰樂,表情都唔會有好大變化, 不過唔表示佢地唔識演戲,反而係好識得演! 點解? 因為以前d人在現實中就係咁既表情! 中國人一向強調『含蓄』、內儉』,有咩內心感覺都唔會隨便表達出來。 如果做到好似萬梓良咁,就會給人誇張感覺。 你睇返『花樣年華』的梁朝偉,張曼玉,佢兩個都冇乜表情,同其他戲好唔同, 因為佢地就係演緊60年代的人! 所以佢地兩個反而被認為演得好。 鬼佬就唔同,佢地一早己有indvidualism個人主義思想, 好興乜都表達出來,就算唔講出來,都會以表情表達, 所以佢地做戲亦會多d表情,因為現實都係咁。 所以兩個完全唔同文化、唔同意識形態、唔同家教傳統的國度, 根本唔可以比較。 舊屎d明星,冇表情都演到令人感動的戲,比要用表情感動到人更難。 白燕一個愁眉深鎖,已經令覺得佢好慘。 吳楚帆一個木無表情的沉思,已經可以令佢成為華南影帝! 周闊發要出盡九牛二虎之深層演技至可以奪得同樣殊榮。 最後,講返葛蘭,在『野玫瑰之戀』中,佢另一場『卡門』,亦是十分經典, 尤其是佢果句由嘆氣轉高音入唱的『啊∼∼∼愛情不過是...』, 咁唱法都得,又是世間一絕!前無古人,暫時後無來者! 淨係睇呢兩場戲,我都好似Louis兄咁,都拍爛左手掌((())) 唔得喇,聽日要去買dvd至得! 我都要補充: Adam哥哥, 中國人嘅演技、舞蹈、歌唱、藝術嘅基因, Sorry, 絕對比西洋開發得有早冇遲, 如何考証,等TC兄台答嘞 |
stranger | 發表時間: 2007-01-31 02:09 |
開始0係青韻的常客喇。 註冊日: 2006-06-15 來自: 發表數: 175 |
Re: 來自東瀛的「當年相戀意中人」 嘩,我覺得呢場「卡門」仲正過jabumbo嗰場噃!
葛蘭即係葛蘭,型呀! 講到演技! 真係有排講,西方人民族性比較重"理", 乜嘢都講理論,連演技都有「方法演技」, (如無記錯,史丹尼斯夫斯基係"我的藝術生命"入面提嘅 方法演技,哎,凍冰冰又懶去巢書,記錯請多多包涵) 東方嘅民族性,哲學根源都係比較重"意", 好似道家講嘅自然,禪講嘅悟,戲曲舞台上嘅一桌兩椅已經 象懲好多嘢,等等等等..... 能夠唔覺得係演緊戲,而又能帶動戲味,我覺得就係演得好, 試想吓一般人就算佢發生好多事,人生起跌,悲歡離合, 你唔會見佢好多表情,好可能反而會無表情, 但係呢個"無表情"並唔係木口木面, 要令觀眾透過呢個"無表情"嘅神情而感受到當中背負嘅內容, 難就難喺呢度嘛! 唔係到悲位就交貨,扁咀,紅眼,谷淚,痛哭; 到嬲位,就瞪眼,唇震,現青根等等, 唉! 不過都係嗰句,呢D都係個人品味問題,好難有客觀標準, 不過又因為係咁,至有討論嘅趣味同空間, 講開張曼玉,梁朝偉,「花樣年華」係整體成套電影編,導,演都配合得好, 我覺得張曼玉喺"Clean"入面,個人表現得好! 好難講佢邊場戲邊方面做得好, 但係睇完套戲,會感受到戲中人嘅哀傷, 呢樣亦都係套戲想做到嘅嘢! 死嘞!講講吓唱歌,講咗演戲添! off topic 嘞! sorry! |
Louis | 發表時間: 2007-01-31 15:06 |
青韻是我家! 註冊日: 2006-04-29 來自: Hong Kong 發表數: 583 |
Re: 來自東瀛的「當年相戀意中人」 我就覺得 jabumbo 嗰場正個 Carmen, 葛蘭真係完全演繹到《說不出的快活》嗰種 feel, 由內心「騷」出0黎, 仲有, 電影版 jabumbo 唱得好過唱片版好多。
|
Louis | 發表時間: 2007-01-31 15:53 |
青韻是我家! 註冊日: 2006-04-29 來自: Hong Kong 發表數: 583 |
Re: 來自東瀛的「當年相戀意中人」 葛蘭可以講係中國流行曲史上0既第一超級靚聲, 除左天生甜美聲線之外, Grace 自中學開始已經受正統古典聲樂訓練, 可以由女低音唱到女高音, 出道前已經打好紮實基礎, 之後佢亦跟名師學習崑曲同京曲, 所以佢可以唱多種不同腔調, 音域、歌路之廣, 無人可及, 論唱功, 好少歌手能夠靚聲得0黎 powerful 而且富有節奏感, 葛蘭絕對唔輸俾四、五十年代外國一線歌手, 甚至過之, 我相信如果佢唔係黑頭髮黃皮膚, 一定紅過貓王!!!
講開又講, 如果有興趣聽葛蘭唱崑曲, 可以買隻《青春兒女》DVD, 30 蚊有找, 原本佢係成套劇唱晒, 可惜電影出街時只係 cut 剩十幾分鐘, 好過冇啦!!! 不過一套青春校園片由女主角粉墨登場表演崑曲, 電影史上都算史無前例。 |
stranger | 發表時間: 2007-01-31 18:24 |
開始0係青韻的常客喇。 註冊日: 2006-06-15 來自: 發表數: 175 |
Re: 來自東瀛的「當年相戀意中人」 如果講"騷"味,jajumbo 同carmen都好難分邊場騷D,
我覺得兩場都好騷, 不過講唱功,形體舞動,我就覺得carmen正D, 佢真係唱得好好呀! 身體舞動亦恰到好處! 不多不少啱晒feel! 嘩! 佢唱埋昆曲架!? 仲有咁深厚嘅演藝訓練背景, 唔講真係唔知! 昆曲雖然唔知佢唱セ,但melody 好聽架! 去揾隻「青春兒女」睇吓先! 30蚊有找? 喺邊度有呀? |
« 1 2 (3) 4 5 6 7 » |
| 新的在前 | 前一個主題 | 下一個主題 | |
無發表權 | |