多謝各位的意見，或者我需要多方面的學習。

Thank you very much!

在細心覆看了你的前言七,ハ次. 在代入了你的立場來分析後. 發覺你两師生是存在頗大誤會之中. 其實两位都啱. 但亦誤會得十分深.

就如。。你是正在學習小三的加減乘除四則數， 他卻向你炫燿微積分，方程式。。。 你問係咪1+1=2， 他就話1+1=2 冇用， 要識1+1=10才可計算電腦，穿梳機上太空。但1+1=10係二進制， 當然有用， 但要上到中學，讀新數才有幾會接觸。在你現今的程度, 1+1 點計都唔會等於 10. 但答案唔係錯. 係大家所指唔同啫!

其實他亦可算是教導無方， 才引起你的誤會。

不妨俾時間，細心理解他的講解方式。 你會完全改觀都末定。

不過可以肯定， 他並非講錯， 衹是太早了一點！

各位，樓主想係到同大家討論既問題係：是否雖要練歌呢？在演出前又雖不雖要勤些練習呢？ 請見於第一個post 的第一段最後兩句："有樣關於唱歌的問題想請和你們分享，及想聽聽你們的意見，知道各位已是對現場演出極富經驗，但有一疑問，靠竟是否雖要練歌呢？在演出前又雖不雖要勤些練習呢？"

請各位針對主題回答。

樓主在提問 練習 時遇到問題："當我遇上不熟的歌時.........首歌曲的旋律我是不熟及很小的練習，所以個key不準及音不準"

那位仁兄給他兩個指示是：
1) "不許.....用結他彈奏旋律來找這個音出來，要.....聽Chords Tone來尋找旋律及曲調的所在.........他說提著結他一聽個 Chords就要唱出，就算是一首曾聽歌旋律及半熟的歌曲，都應該可在沒有練習情況下彈唱至對key......."
2) "我一向要彈唱一首歌都需要練習才可出台表演，但他說這是不智的做法，如果每次出台都要唱五六首歌，歌者便要抽很多時間來練習呢？"

先講１），那位仁兄提到兩點，"聽Chords Tone來尋找旋律及曲調的所在"，這是 improvisation，ad lib，爆肚，jam。但不是 sight read，因為佢根本唔俾樓主去睇個 melody 係乜，無得睇就即係無得 sight 啦，仲 sight 乜嘢 read呀？另一點係，"提著結他一聽個 Chords就要唱出，就算是一首曾聽歌旋律及半熟的歌曲，都應該可在沒有練習情況下彈唱至對key"，呢個係講聽個調性，然後唱出，呢個係考 aural，當然唱個時都要唔走音。就如用 capo 轉 key 一樣。但如果連個 melody 又唔熟，又唔係用 tonic chord 行頭，或係 intro 時已經出現了 modulation，那時真係可能唔知轉到邊個 key 先啱。再者，如果 melody 唔熟，只可以憑印像唱，同俾首詞你即場爆肚既分別不大。這對練歌無幫助，因為這是練 improvisation。

這些 sight read、improvisation、aural 都是練習的一部份，但不等於全部，亦都不可以用一樣代替另一個。不過，對於要 target 一首歌，要練好一首歌，以上的練習相對無咁重要。音樂訓練就如做人，要識分輕重，"Do the Right Thing at the Right Time at the Right Place".

連埋之前幾個 post，我相信我己經分析清楚呢條 side track（＝練歌既辦法，並不是樓主問的 是否雖要練歌呢？在演出前又雖不雖要勤些練習呢？。)

至於２），這才是樓主的提問，去到這裡我相信樓主講的不時臨出場前個幾個鐘既時間，而係平時的操練。各位如有意見，請繼續發表。


To: shanshan
"不過可以肯定， 他並非講錯， 衹是太早了一點！"
那個仁兄根本九唔搭八，Do the Wrong Thing at the Wrong Time at the Wrong Place！套你個例子，一間普通小學的數學堂中，學生問緊小數點既加減乘除，個老師話佢錯，跟住同佢講微積分，量子力學......呢Ｄ仲唔係叫錯？佢唔止浪費佢自己既時間，佢浪費緊別人既金錢，時間，及害了班細路。

至於他的 Performance Manner，我唔較計佢玩得好唔好。但好明顯佢做唔到 "我要做好呢份工"。

----------------

Do the Wrong Thing at the Wrong Time at the Wrong Place！

哈哈! 一針見血!

不過好多叫做老師的,都好喜歡响學生面前 show quali. 真係有D九唔答ハ. 但亦有好多學生求知欲好高, 周圍去問, 攪到自己都胡塗哂, 正所謂各師有各法. 各有各的長短及教導的方法.大多都不認同其他老師的方法. 或者唔多唔少, 借借意去損一下以抬高自已. 以自已角度去數上手老師的不是. 所以, 唔係十分佩服嘅老師就唔好跟, 盞嘥時間. 若跟了老師, 就要全心全意去信服. 起碼都學到多D嘢! 或者知道學錯咗!
當然! 你要靠運氣. 跟到個好老師! 不過, 個老師好唔好唔到你楝, 因為你唔識分. 若你識得分, 就更加跟唔到好老師.....因為冇セ.., 唔會俾你遇到. 遇到都未必教你.

千里馬少有, 千里馬要遇真伯樂就更少.

所以, 我認為..........唉!...都係冇得認為喇, 睇好唔好彩啦!

...........藝術得以咁值錢............... 死咗之後.....!

引文:

客觀Ｄ講句，呢Ｄ嘢係人夾人。每個老師都有強弱，玩唔同 field 或 唔同 level 時去跟唔同人係好正常。不過，坦白講句，唔係個個學生受得好老師；資質唔夠或時候未到既只可嘆句無福消受。

一個人玩成點，好睇自己修為，天份高既無師自通（雖則萬中無一），對 average 既人來說，搵錯老師既機會遠遠大過遇不到好老師。現在資訊發達，天下事物都可以在 internet 找到。下下要等伯樂？返回古代做人吧。

----------------

但在 internet ,個個都話自己係好老師. 自已又唔識分好壞. 最慘就係好老師大多唔想吹自己.未必登internet.....無論"先人"同"古人"......都係要好彩先遇得到!

引文:

如果單靠 internet 搵老師當然死梗！！係用 internet 來取長補短，集百家所長，找到自己方向及發揮自己潛能才是皇道。

上堂只能啟發及抖正，都是輔助性質。如果一個人唔好好練習，搵乜人教都係唔好，無得賴老師唔好。而且 youtube 入面的正面例子多不勝數，遠勝以前下下要去聽 concert、上 master class、買書上堂方便。自己搵完料，試過唔明，先至再問老師才能事半功倍，發揮老師的最大功用。怎可能像個ＢＢ下下等人餵飼？ＢＢ都會長大吧？大咗仲係坐係到等別人餵飼？不可能吧。

若果還只在網上怨天尤人，大嘆遇不到百樂，真的臨淵羡魚，不如退而結網。

----------------

哈哈! 對. 結網.

結網最為上策!

最近跟一位唱歌老師學習歌唱，當我遇上不熟的歌時，他不許我用結他彈奏旋律來找這個音出來，要我聽Chords Tone來尋找旋律及曲調的所在，我說該首歌曲的旋律我是不熟及很小的練習，所以個key不準及音不準，他說沒有練習不是一個藉口，他說提著結他一聽個Chords就要唱出，就算是一首曾聽歌旋律及半熟的歌曲，都應該可在沒有練習情況下彈唱至對key，這我覺較困難了。還有的是，

我一向要彈唱一首歌都需要練習才可出台表演

--------------------------------------------------------
byheart 兄,

我要為上两篇對你老師所作批評向他道歉.

他在努力為你堤升唱歌水平, 而若你用心跟他去做, 自己克意改善練習. 慢慢鑬研一下, 你是絕對可以做得到的. 但你冇胆去做. 是不受教了. 而你整篇文章, 也是在你立場來寫. 引致我誤會了他.

引文:

難得今時今日還有人認同揠苗助長，及那種準備出 show 的態度。

----------------