 討論區主頁 粵講粵樂
【粵語天地】「貓」真系唔簡單 | 無發表權 |
| 樹狀顯示 | 新的在前 | 前一個主題 | 下一個主題 | 頁尾 |
| 發表者 | 討論內容 |
|---|---|
| Phyllis | 發表時間: 2012-11-04 19:22 |
開始0係青韻的常客喇。   註冊日: 2009-07-08 來自: 發表數: 103 |
Re: 粵語天地：「貓」真系唔簡單 佐治兄:仲有”生滋貓”呀！算唔算？
|
| xxkai | 發表時間: 2012-11-05 20:32 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 多謝Phyllis妹妹提供「生滋貓」一詞。
爾個詞我好細個就聽過，全句系「生滋貓入眼」，有正負兩個意思。 正面解釋： 喜歡咗有皮膚病的貓，戲稱男女之間儘管對方缺點毛病比較明顯，重系一往情深。亦可以話系一見鍾情。相當於「情人眼裏出西施」。 負面解釋： 生滋嘅貓一般人點會锺意，即系話人對樣貌騎籬嘅女人都可以起痰，系貶意。形容某人喜歡一般人認為極難頂嘅醜女，重擺出一副嗒嗮糖嘅衰樣。有「超好色」、「重口味」、「饑不擇食」之嫌。 |
| xxkai | 發表時間: 2013-01-03 10:22 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 唔好爾為【食貓面】係“食貓麵”，請人“食貓面”，即係“燶口燶面”，畀面色人睇。聽講，“食貓面”唔單只唔系“麺”，而且與“食”同“貓”都毫無關係。其實系音誤。
原來本字系【識貌面】，即系畀個貌面你識。“貌面”即嘴臉、眉頭眼額、面色……肯定系唔高興咖喇，黑口黑面噉好難頂。如果喜氣洋洋開懷歡笑，又何須“識”咁自律，戰戰兢兢？所以邇個詞系負面嘅。識時務知進退，自己衡量，有錯就認，鬧就企定。匸政壇商界名利圈，總有人騎住你食住你，所以你要學習去識他嘅貌面。忍辱負重，臥薪嚐膽，當你高升、掌權，便等人地邌辨識你嘅嘴臉嘞。 |
| xxkai | 發表時間: 2013-01-10 18:22 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 大家有冇聽過【好狗唔擋路，好貓唔瞓灶】，原來邇兩句嘢系同【老貓燒須】有關嘅。
聽講貓嘅鬍鬚有特別嘅功能，猶如一把尺噉用邌測量洞口嘅寬度，如果冇䢐鬍鬚，貓捉老鼠嗰陣，就可能會撞牆受傷。因此，鬍鬚對貓邌講系極為重要嘅。 匸冬天，農家嘅貓為䢐避寒取暖，夜晚會匿匸熄䢐火嘅灶頭裏面，到䢐天光主人起身生火煮飯之前，貓會先離開灶頭，否則主人一點火，貓嘅鬍鬚就會畀火燒澌，走得慢尐重可能會葬身火海，成為“燒貓”添。老貓嘅經驗豐富，比較少出危險，貓仔貪困就經常出事嘞。有尐人朝頭早喂貓嗰陣見唔捯隻貓仔，初時以為佢出䢐去捉老鼠，到晚頭黑重系唔見隻貓仔返邌，就估捯隻貓仔可能會出䢐事。到第二日掃灶灰嗰陣，先至發現燒焦䢐嘅貓仔屍體。有經驗嘅老貓睇捯主人邌到灶頭前面，就走都走唔切。偶然老貓亦有困過龍嘅時候，當主人將一把柴草，塞入灶頭生火嗰陣，老貓至沖忙噉由灶口跳出邌，可惜已經太遲喇，著䢐火嘅柴草已經將老貓嘅鬍鬚燒清光嘞。故【老貓燒須】就是指有經驗嘅人，有時都會出錯噉解。 註：認識本字【匸=喺】、【䢐=咗】、【澌=晒】、【困=瞓】。 |
| xxkai | 發表時間: 2013-05-01 15:50 |
開始0係青韻的常客喇。 註冊日: 2010-05-13 來自: 發表數: 160 |
Re: 粵語天地：「貓」真系唔簡單 我等不朽用【三腳貓功夫】邌形容嗰尐匸技藝上略知皮毛嘅人。比如話某人三腳貓功夫，偏偏要去修理電器，亂咁邌，件嘢未整返，就差尐畀電電死。“三腳貓”嘅出處有以下嘅說法。
“三腳貓”邇一句嘢匸揚州最常用，但並唔系揚州人發明嘅，因為匸江浙滬地區都有類似嘅講法。有一個民間傳說，相傳匸清代光緒年間，有一個武林高手經常匸上海十六鋪江邊賣藝，佢十八般兵器無所不精，最後一招系舉起江邊嘅鐵錨當做武器噉捹邌捹去。個武林高手走後，好多人即刻上前試下搻起個鐵錨，但都唔掂。鐵錨有三隻腳，於是，佢等就戲稱技藝不精嘅人為“三腳鐵錨”，後來簡稱為“三腳錨”。“錨”系“貓”嘅諧音，久而久之，“三腳錨”居然訛傳為“三腳貓”嘞。 亦有人考證“三腳貓”最早可能系出自元末明初陶宗儀嘅《南村輟耕集》：“張明善作北樂府《水仙子》譏時雲……說英雄，誰英雄；五眼雞，岐山鳴鳳；兩頭蛇，南陽臥龍；三腳貓，渭水飛熊。”文中嘅“三腳貓”系一種動物。後來，明人郎瑛在《七修類稿》記載：“嘉靖間，南京神樂觀有三腳貓一頭，極善捕鼠，而走不成步。”捕鼠系貓嘅專職，“三腳貓”嘅天職技能唔錯，但系就“走不成步”，所以“俗以事不盡善者，謂之三腳貓。”就噉樣，“三腳貓”一詞成為䢐做事技藝不精嘅意思嘞，並一直沿用到邇一刻。 註：認識本字【哋=等】、【匸=喺】、【䢐=咗】、【澌=晒】、【尐=啲】、【唎=邇】、【依家=邇一刻】。 |
| « 1 (2) | |
| 樹狀顯示 | 新的在前 | 前一個主題 | 下一個主題 | |
| 無發表權 | |