人到中年兩不堪，
生非容易死非甘，
滾滾紅塵千萬眾，
能達理想有幾人？

養妻活兒盡己任，
營營役役苦忙奔，
午夜夢迴憶舊事，
心中有淚復低吟。

夾band情懷今猶在，
萬般心事付弦琴，
歌逢知己千曲少，
半百仍存赤子心，

似水流年有限身，
幾許美夢可成真？
看破放下人自在，
無怨無悔度餘生。

----------------
朋情似酒，歲月如歌。

好！
得閒要找你再夾o下、玩o下！

----------------

很感動 !

總覺得年青時可做的事，應該儘量去做，無論係食嘢 (不要等老掉牙)，旅行(不要待骨頭脆)，甚至夾 Band......

不過，如果年紀大了，但仍很想做的事，也不要放棄

Puppymic

莫待無花空折枝。

----------------

哈哈哈﹐太感性了。
你地班大哥要玩﹐又有邊個老婆嘈你地。你地邊個又會需要靜雞雞鼠出去夾BAND。哈哈哈﹐仍是覺得個MV太過火。

Chris哥哥,，
如果你有同人夾開歌，同埋有家室，你就會對呢個MV好有共鳴。
等我講D例子過你聽：

(1)阿邊個A君有次約左第二日夾歌，但又唔敢話俾老婆知，
就靜靜雞吼老婆唔覺，擺定支結他在車上，第二日返完工就直車去夾歌，
神不知，鬼不覺。

(2)阿邊個B君夾歌夾夜左，就會有追魂call要交人。

(3)阿邊個C君有次同班Friends夾夾下歌，突然電話嚮，
一睇來電顯示，即刻叫大家唔好彈野，要靜哂，驚俾電話中人知道佢夾緊歌。

(4)阿邊個D君，放假又要陪老婆仔女，成日都去唔到夾歌，
就算去到，平時都因為工作忙冇時間自己練歌，搞到夾歌時因為唔熟D歌，被人話冇練歌。

(5)仲有阿邊個E君，在琴行睇中支Martin，但遲遲唔敢買，驚老婆咋形，
但係因為睇左呢個MV，於是唔理咁多，決心買左支Martin返屋企。

唉，查實對於男人嚟講，夾歌已經係一種好正氣既興趣，好過去花天酒地，
但係就唔知點解，好多男人都好似去『走私』咁，唔想俾老婆知明。

雖然現實中，夾歌男人的表情人冇MV入面D架仔表情咁誇張，
但係都有好多不為人道既苦況。
所以，我知好多有夾歌既人，對這個MV好有共鳴，
尤其是果D年紀同MV入面D主角差唔多既人，就更加有共鳴。

不過如果大家夾到想夾既歌，可以有機會出下D Show仔已經好開心，
好似MV入面咁，就算得小貓幾隻，只要有人拍下掌己好滿足。
所以，MV表達的夾Band情意結雖然是誇了一點，但以我個人觀察及感受，都是活生生而真的。
所以，雖然我冇老婆管住，但我個人看後真是很感動，也看了很多次。


http://parus.idv.tw/blog/u_image/kurumi.wmv

----------------

原來之前, 有D咁好O既POST.
隻MV真係好正, 雖配上了"搧情的流行音樂"加強傳意, 但好好睇, 好感動, 其實現實同理想O既掙扎, 又點止出現在玩音樂上呢.

如果老婆是這樣對我,不給我去夾歌她肯定變豬頭炳!

mm……我想MTV內容主要是描述人到中年的一種情懷 (現時50歲才是中年啊) 年輕時大家都可能是十分喜愛 “打Band”，但隨著生活的轉變 – 結婚、工作、子女，見面時間漸漸減小，日久之後，甚至忘了如何彈奏 (我有的前輩朋友就是這般) ，但當有一天，機緣之下，火花再被點起，好吧，仍有感覺及力量之時，難聽一點，在有生之年，再次拾起，盡興之!!!

----------------

引文:

哈哈﹐這個說法﹐我就比較贊成﹐畢竟歲月或生活的壓力才是最大的阻力。夫妻之道在於彼此互相專重﹐“不准這､不准那” 似乎是很久以前才會發生的事情。MV中那個不能振起夫剛的男人﹐也絕不是我所欣賞的行為。
50歲人到中年﹖現在很多30多歲的人﹐已經說自己是中年了﹐可能現代的人真的不能像我們上一代那樣承受壓力吧。