 討論區主頁 音樂自由講
南音群英會2005 | 無發表權 |
| 樹狀顯示 | 新的在前 | 前一個主題 | 下一個主題 | 頁尾 |
| 發表者 | 討論內容 |
|---|---|
| Sim | 發表時間: 2005-03-17 02:26 |
青韻典堂級民歌好友   註冊日: 2004-04-28 來自: 發表數: 1439 |
南音群英會2005 今晚走左去睇一年一度的南音群英會，
小弟第一次睇南音Concert，乜都唔識， 抱住觀摩心態去睇，不過現場就有好多知音人， 絕大部份係公公，婆婆，伯伯同嬸嬸， 我突然覺得自己後生左一代！ 入場時老遠見到一個頭帶cap帽有型男士之背影， 貌似TC兄台，但唔sure。 佢入左樓下觀眾席，我因為係買80大洋平飛， 所以要要上樓上，冇機會睇清楚有型男士是否TC兄。 現場為文化中心音樂廳，開三面，約七、八成滿， 台面有一大型背景海報，是南音團照片， 前台放了六張椅及富特色的中式茶几及茶壺， 開場後，阮兆輝等樂手入場， 六人各拿樂器坐下排好個陣， 有D似Eagles Hell Freeze Over Live Concert果種Feel。 第一首阮兆輝唱《男燒衣 》， 椰胡、秦胡、簫、古箏、秦琴、齊鳴，好accoustic， 見識到Tc兄所講既《盲人腔》，其他人唱時真係冇咁唱法， 我諗佢呢種唱腔會成為佢既特色唱腔， 其他人唱腔亦各有特色，因為小弟完全唔識ｄ曲， 所以唔遂首介紹啦，留返俾TC兄講啦。 總之首首都好長，十零分鐘至唱得完一支曲，比American Pie更長得多， 七點九開場，唱到差唔多十一點半完場，都係唱左九支曲咋，請睇以下曲目： 南音群英會2005 椰胡、秦胡：梁漢威、阮兆輝 （仲有一位師傅，場刊冇介紹到） 簫（低音果隻，唔識咩野名）：區均祥 古箏：唐健垣 （博士嚟架，曾香港演藝學院中樂系主任教授，佢彈既古箏好正） 秦琴：吳詠梅 （佢彈個秦琴係三絃，好古色古香，好特別） 曲目： 《男燒衣 》 阮兆輝 《浪子回頭》 區均祥 （區填詞，講蠱惑仔故事，幾過癮） 《霸王別姬 》 唐健垣 《梁天來告御狀 》 梁漢威 《大鬧梅知府 》 阮兆輝 《碧容探監》 阮兆輝、尹飛燕 （男女合唱） 《腸斷憶秦娥 》 唐健垣 （好似話係曲詞都係唐作的） 《孤舟晚詠》 區均祥 《南音混合唱 》 阮兆輝、梁漢威、區均祥、唐健垣 最後一首《南音混合唱 》，阮兆輝介紹為呢首歌唔唱既話， 好似唔似南音音樂會，而且仲四人混合唱做壓軸， 我即時諗起Eagles開concert，緊係要唱Hotel California， 所以我亦知呢首緊係我唯一知道既南音名曲：客途秋恨！ 客途秋恨歌尾幾句，在四聲齊唱下結束， 現場ｄ阿公阿伯嬸嬸當然意猶未盡，竟然大叫：Encore!Encore…! 而唔係用返廣東話『再唱』、『繼續唱』、或『唔好俾佢停』， 不過又真係冇聽過廣東話應該點叫法，唯有大叫Encore。 不過因為時間已超時關係，冇得Encore， 眾人亦不強所求，懷著滿意既心情散場， 而我亦過左一晚好享受既音樂之夜。 
|
| Kenneth | 發表時間: 2005-03-18 00:00 |
版主   註冊日: 2003-12-10 來自: Hong Kong 發表數: 490 |
Re: 南音群英會2005 南音.. 小弟真係無研究ar...
我lee D 五音都未掂.. hehehe 不過真係好佩服Sim 兄你對音樂的"廣" 由Rock-n-roll 到男音 再到養魚... 無一不曉!!!!!!!!!!!!! 你個晚睇南音群英會係咪個個都好Enjoy?? 你形容到好似 The Eagles 的 Concert 咁.. d人仲會叫"encore" tim...... 搞到我都好想去見識一下..>!!!!!!!!!
|
| Sim | 發表時間: 2005-03-18 19:08 |
青韻典堂級民歌好友 註冊日: 2004-04-28 來自: 發表數: 1439 |
Re: 南音群英會2005 Kenneth哥哥,
小弟的音樂知識只係好皮毛好毛皮果隻, “廣”而不精 其實都唔算廣,如果叫我講古曲, 粵曲, Jazz….etc, 我就啞左 南音認識亦係零, 不過睇過tc兄介紹了一點, 所以好奇去睇下。 當晚concert, 我諗對於資深南音迷嚟講, 因為可以聽到佢地耳熟能詳又較少機會睇到Live的表演, 一定會興奮。 就好似我地多人去睇Eagles咁興奮, 又或者PPM迷睇PPM Concert咁, 因為佢地係6人組合,又玩不同樂器, 我咪用Ealges嚟比喻之馬。 對於我呢d南音盲嚟講, 只係抱住好奇比態去睇. 現場去聽的大多上了年紀的觀眾, 我都算是最後生的一少撮, 加上現時香港說得上全職玩南音的, 就只有唐健垣一人, (佢每個月最後一個星期二在一間茶樓表演) (旺角賣唱的失明樂師唔知算唔算), 我諗情況不變的話, 這一”脫”人退下之後, 南音真係好快在香港消失。 我個人感覺聽南音, 如果多一份歲月回憶感, 那更加容易投入, 對很多南音迷來說, 南音可能是他們伴著半生活的民間音樂, 所以特別投入, 現場就聽到一些公公婆婆說現時的流行歌得個嘈字, 唔知唱乜. 而南音就是他們年壯時的流行曲, 所以特別聽得興奮,會後亦像很多音樂會一樣, 大家湧去買入口前的南音CD. 情況就像先前的幾個”FOLK NITE”一樣, 去聽的觀眾大都是中年人士, 多少與年輕時的音樂回憶有關。 在我這門外漢來說, 南音曲調好像首首差不多, 我之前在圖書館借了阮兆輝的南音CD回家預習聽了幾遍, 如果不看目錄, 我就分唔到邊首打邊首, 我亦發覺南音好像沒有現時流行曲的Chorus, 冇一段好突出或高帶動高潮的調,(其實都有, 不過不太明顯) 另外幾乎所有樂器都是伴奏, 很少有一段樂器solo, 沒有chorus, 沒有樂器solo, verse連過門又首首差唔多, 亦即沒有一個明顯的song id. 所以對於我這門外漢來說, 個人認為欣賞南音, 便主要欣賞其唱功,唱腔,歌詞 及一種FEEL, 當然對於南音迷, 他們對每首曲耳熟能詳, 每首曲都有其獨特結構, 每粒音皆有其欣賞價值, 還有tc兄說的正線/乙反, (不過我唔識分) 而樂手的彈奏技巧, 如果識睇看話, 亦有很高的欣賞價值。 我在現場聽的時候, 就諗, 如果呢度加Bass又點, 呢度加段二胡solo會唔會正d, 又試下數下拍子, 大都是4拍的, 通常第4個bar就有一少段過門, 再進入另一句歌詞… 阮兆輝亦在台上說, 南音其實是一種很好的催眠曲, 若睡前聽, 真的很易入眠, (其實如果不留心聽, 任何歌都可以是催眠曲, 我都試過睡前聽heavy metal而入眠) 不過聽LIVE又真是另一種FEEL, 真的值得去感受一下。 現場所見, 真係個個都好Enjoy. 如果唔係,d公公婆婆平時咁含蓄, 都唔會大叫Encore啦. 仲有, 現場梁漢威話南音其實同美國藍調音樂一樣, 有即興成份, 人地藍調係美國咁受尊崇, 香港人對南音又係咪要注意多d呢 ?(大意) 唔知呢個南音似藍調的比喻, 是否由本網討論帶出去, 還是英雄所見略同呢?
|
| tccheung | 發表時間: 2005-03-19 01:14 |
青韻是我家!   註冊日: 2003-12-27 來自: 發表數: 468 |
Re: 南音群英會2005 Sim兄：閣下那晚真的錯失一個好機會，我也替你感到可惜；其實你見到我應馬上叫我，我買的雖然是樓下票，但改到樓上去應沒問題的。而且我知道樓上入座率較低，我們可坐在觀眾稀少的角落，一邊聽，我一邊解說南音其中要留意的精妙之處，你不但可聽得興味盈然，也可好好的上一課。而且幾位唱者同場演出，在運腔、唱調都有不同的處理和風格，可作出比較。
而那晚主辦者(阮兆輝)並不是依遁守舊，在這場表演亦加上了許多新元素和新嘗試，聽來頗有新鮮感。容後談。 |
| 阿添 | 發表時間: 2005-03-19 21:54 |
網站管理員   註冊日: 2003-12-08 來自: 錦上路 發表數: 4326 |
Re: 南音群英會2005
|
| Sim | 發表時間: 2005-03-20 21:15 |
青韻典堂級民歌好友 註冊日: 2004-04-28 來自: 發表數: 1439 |
Re: 南音群英會2005
|
| tccheung | 發表時間: 2005-03-23 02:15 |
青韻是我家! 註冊日: 2003-12-27 來自: 發表數: 468 |
Re: 南音群英會2005 哈哈！兩位攪錯了。
這種南音是源自福建的地方曲藝，亦稱「南管」；並非我們最近談到的廣東南音。 兩者除了其中的伴奏樂器有相同外，其它是並無關連的。 福建南音我沒有什麼認識，多年前聽過一次，印象中它亦是一種很有藝術內涵的民間音樂。 |
| asecond | 發表時間: 2005-03-28 08:04 |
初到青韻，請多多指教!  註冊日: 2005-03-28 來自: 香港 發表數: 1 |
Re: 南音群英會2005
|
| 阿添 | 發表時間: 2005-03-28 11:00 |
網站管理員 註冊日: 2003-12-08 來自: 錦上路 發表數: 4326 |
Re: 南音群英會2005 多謝分享。 ：)
引文:
|
| tccheung | 發表時間: 2005-03-29 22:31 |
青韻是我家! 註冊日: 2003-12-27 來自: 發表數: 468 |
Re: 南音群英會2005 若言君：閣下原來也是南音群英會2005的座上客，我雖然覺得那晚表現最佳的是唐健垣，但讀了你寫的留言，能夠說出區均祥斯文淡定、唱得最好；閣下顯然是一位南音的行内人了。
南音在香港已日漸式微，難得還有閣下這樣一位有心人，去制作一個專門介紹南音網頁，這個網頁我亦仔細瀏覽過，許多資料不但彌足珍貴，而且相信得之不易；我真可以大膽說這是全香港、甚至是全中國唯一能詳盡介紹南音的網頁了。 我也忘記在那裡聽人說過澳門的劉就瞽師彈的古箏比杜煥還要好，這次在網頁第一次聽到劉就玩的南音板面，誠覺此言非虛。 我在青韻網頁看見你介紹自己是一位學生，閣下年紀輕輕，卻又如此鍾愛這種被一般人視為老套的民間曲藝，真可說是江山一代，人才輩出......。如果我沒猜錯，閣下應是一位修讀音樂系的學生，對嗎？ 有空請多來這裡交流。 謹祝 學業進步 TC Cheung |
| (1) 2 » | |
| 樹狀顯示 | 新的在前 | 前一個主題 | 下一個主題 | |
| 無發表權 | |