上星期上 youtube 聽舊歌, 偶然俾我發現阿蕊 1984 年嘅《小妹妹日記》MV:

http://www.youtube.com/watch?v=imEouP49WWM&fmt=18

當年我已經係高中生, 自細俾「歌神」阿 Sam、陳秋霞、關正傑、Albert Au......等前輩歌手嘅歌浸大, 對當時初出道嘅阿蕊唔太睇得上眼, 覺得佢 D 歌好細路, 點知 24 年後嘅今日再聽返《小妹妹日記》, 忽然耳前一亮, 當時嘅小妹妹雖然年紀小小, 但係歌唱技巧已經有板有眼, 咬字清晰, 夠中氣, 自然唔做作, 再 search 返佢 D 舊歌, 至發現原來自己走漏耳廿幾年, 估唔到阿蕊唱歌係出乎意料地超正!!!

《蛻變》:

http://www.youtube.com/watch?v=T7pT5dnrVAEfmt=18




Vs


中森明菜原唱 Live:

http://www.youtube.com/watch?v=OMOETQdjYDsfmt=18



相比之下, 攞過兩次「日本唱片大賞」嘅人氣偶像中森明菜就顯得中氣不足, 唱到死下死下咁!!!

最令我驚嘆嘅係, 阿蕊唱中國小調出奇地有韻味, 感謝國內同胞, 將阿蕊嘅《我是痴情無限》放上網:

http://www.aiting.com/MusicData/play/3540.html

更意想不到嘅係, 呢首歌竟然係阿蕊第一張大碟《小妹妹日記》�堶�嘅其中一首歌!!!!!

阿蕊下一隻大碟《戀曲集》�堶�嘅《一縷情》同樣超正:

http://www.youtube.com/watch?v=JYfhpzc4a_A&fmt=18

呢處有阿蕊 1982 年嘅城市民歌比賽參賽歌曲《快將煩惱盡忘記》, 亦係阿蕊嘅第一個 Commercial Recording:

http://comebacktolove.blogspot.com/2008/01/sara-wow.html?showComment=1199904960000


當時只有十四、五歲嘅佢, 唱功已經相當成熟, 家陣 D 所謂「偶像」, 想搵個有佢咁嘅班數, 睇怕幾難!!!

前幾日買咗呢兩隻碟嘅複黑 CD:




雖然唔係首首都得, 但係 D 啱佢咀型嘅歌, 除咗《我是痴情無限》同《蜕變》之外, 其他例如《害羞的女孩》、《靜悄悄》、中島美雪作曲嘅《第一次》(唔係哥哥嗰首)、《友誼萬歲》, 甚至編曲甚差, 俾林振強填埋 D 低 B 歌詞「數手指 1234」嘅 I Will Follow Him 中文版《無事也想你》都顯示到阿蕊嘅實力, 尤其《友誼萬歲》, 頭一段佢玩嘢扮細路女聲, 跟住就發丹田氣用低沉嘅聲線唱落去, 真係少 D Training 都唔得, 而《無事也想你》ending 嘅高音佢亦係用丹田氣從容不迫咁唱出嚟, 唔需要好似大部份歌手咁要用假音或者嗌出嚟, 表現比後來「開心少女組」嘅《再不易忘記》好得多, 呢兩首歌可以聽得出佢嘅音域有幾廣!!!

再講返佢嘅《我是痴情無限》, 可以講係李麗蕊嘅代表作, 一個非常高超嘅演繹, 我不斷反覆將佢同關菊英原唱版比較, 呢首歌係關菊英全盛時期嘅傑作, 可以話係佢嘅招牌歌, Susanna 唱功老練, 感情濃郁豐富, 充滿成熟風韻, 可謂曲、詞、唱三絕, 絕對係經典中嘅極品!!! 阿蕊揀呢首歌唔止係越級挑戰, 仲係越咗好多好多級, 需要無比勇氣, 但係佢能夠捕捉得到歌詞嘅神髓, 不論呼吸、咬字都非常到家, 表現得無比自信, 自然流暢, 感情比 Susanna 含蓄內斂, 由內心深處滲出嚟, 呢個版本俾我嘅感覺就好似我晌 8 歲嗰時第一次聽到阿 Sam 首《雙星情歌》一樣, 眼淚幾乎要湧出嚟!!! 十六、七歲嘅小妹妹竟然有咁高水準嘅表現, 相信如果原唱者聽到, 一定對佢讚不絕口!!!

無奈呢隻碟叫《小妹妹日記》, 唱片名俾人感覺係靚妹歌, 真係完全估唔到原來�堶惘� D 咁深情演繹嘅作品, 相信唱片公司當年亦忽略咗呢首歌, 如果呢張唱片改用第二個名, 將《我是痴情無限》做第二主打歌, 阿蕊肯定即時上位, 佢唔好彩, 入啱間廢柴當道嘅公司, 註定冇運行!!!

還好阿蕊多才多藝, 轉型成功, 殺出另一條血路, 不過佢嘅優秀歌唱才華慘被品味低劣, 不學無術嘅唱片商埋沒, 實在係香港樂壇無可補償嘅損失!!!

 

朋友　再見聲聲　往昔歡笑　來日記取
憶記舊日情誼　痛哭歡笑在校園裡

一切別恨離愁　埋藏心裡　日後再追
一切歡呼嘆息　印於心裡　默默懷記

離去　倍覺依依　這一生裡　仍念我師
此際話別臨歧　再隱隱記　舊日淘氣

小鳥今天遠飛　離巢他去　但願進取
指引光輝遠景　有足跡處　盡是桃李

不理日後如何　前途趕上　步步進取
今天雙手放開　再握之際　又在何處

誠意送上祝福　盼好風會　常為你吹
此際伸手笑握　縱聲歌唱　在校園裡

----------------

李麗蕊給我唯一印象只有這首《快將煩惱盡忘記》！其實以前大部份的歌手，都有一定水準，唔會隨便就搵人做歌手。

引文:

----------------
回望過去，珍惜現在，展望將來！
青韻老餅舊組員
白馬
網頁：YouTube Link

引文:

咁亦難怪, 「唔怕生壞命, 最怕改壞名」, 鬼叫佢間公司 Marketing 班豬炳改隻碟做《小妹妹日記》咩, 咁即係將隻碟標籤咗做靚妹歌專輯, 稍為成熟 D 嘅聽眾都唔會吼啦!!!

當初如果我知道�堶惘陪滿m我是痴情無限》, 仲要唱到超晒班, 晨早仆到買啦, 呢隻碟淨係呢首歌已經值回票價!!!!!

【舊聞】李麗蕊在印度



]香港歎慣的李麗蕊，去到印度要抺地，廚房做洗碗抺，她不但亳不介意，還非常enjoy。




唔怕日日執屎　李麗蕊居印度



在印度加爾各答，德蘭修女建立的"仁愛之家"轄下的"垂死者之家"內，有不同國籍的人在照顧一班骨瘦如迆的垂死病人。樓梯底暗角，有一身水身汗的香港藝人正眯眼，咬實牙關，用草紙去清厘全身癱瘓病人剛剛新鮮滾熱辣製造出來的糞便。




"好小兒科，我日日都做啦。"




印度是全球最貧窮的國家之一，唔少身受重傷以至全身潰爛的垂死病人都被遣棄到街上等死。在娛樂圈浮沉廿年的李麗蕊，多年前因工作問題抑鬱，後經朋友開解，再隨朋友到當地做義工，眼見當地一個個奄奄一息的垂死病人，連購買紗布的錢都無，要靠拾回來的垃圾膠袋包傷口，傷口潰爛生蟲，情況慘不忍睹，才驚覺慘過自己十倍的，大有人在。




"傷口入面條蟲有成條意粉咁長，你見過未呀？我有車有樓有男朋友，但同絕大部分柏港人一樣不快樂。去印度做義工，個人開朗番，窮有窮快活。"做了一個月義工的李麗蕊說計劃移居當地，尋找另一個天空。




剪手指



加爾各答普通家庭平均月入約港幣千五元，表面上跟內地人平均月入差不多，但由於印度貧富太懸殊，唔少家庭負擔不起沉重的醫療費用，垂死病人沒錢醫病，便會被遺棄街上等死。去年十一月，四十歲的阿蕊經朋友介紹下，首次踏足印度加爾各答，並在德蘭修女建立、專門接收垂死病人的"垂死者之家"做義工。上月她再度出發到當地，在印度四月份三十八度氣温下，阿蕊幫病人抺身、清理大小便、洗傷口及餵藥。落手落腳執屎執尿，她已駕輕就熟，唯一難到她的，是每日咬實牙關，細心地幫病人清潔已經遺爛的傷口。




"窮人屋企都無，如何預備防火，所以呢度特別多嚴重燒傷的病人。好多時我接收佢時，傷口已經嚴重潰爛，入面仲有好多條蟲，每條有意粉咁長。佢一邊食飯，我就不邊幫佢除蟲，日日都係咁。"




執屎，或於潰爛傷口除蟲未算恐怖，更可怕的是有時要替病人剪去已壞死的手指，手起刀落，一隻已壤死發黑的手指"卜"一聲跌到地上。"神經死晒，剪走病人都無感覺。"一名跟阿蕊共事的義工說。



每次幫病人按摩之後，他們的一句多謝，或者一個微笑，都使李麗蕊感到無限的滿足感。眼見全身癱瘓婆婆年老多病，李麗蕊心感難受，因此對她特別照顧，不單每天親自餵她進食，亦不介意幫她執屎執尿。在平均攝氏三十八度的印度，李麗蕊餐餐同當地義工在悶熱的地方食飯，生活難辛卻心靈滿足。




為了對人生更有體驗，李麗蕊甘願放低香港所擁有的豐富物質，到街頭食粟米，一樣滋咪。



垂死者之家住了約一百名孤苦無依的病人，來自仕球的義工日夜輪流照顧垂死的流浪者，讓他們重拾尊嚴。





有錢抑鬱



事山必有因，阿蕊之所以兩度到當地當義工，全因她在香港生活得不快樂。阿蕊八二年入行，跟李麗珍、袁潔瑩等同期出道，曾參與電影《開心樂園》及劇集《誓不低頭》演出。其後加入電視台，做《觀樂今宵》主持，由於大癲大肺動作表情多多，傻大姐形象深入民心，九七年加入新城當DJ，一做十年。在熒光幕是搞笑能手的她，永遠笑臉迎人，背後卻原來一宜受情緒問題困擾，心情經常處於低點。我有車有樓有男朋友，但同絕大部分柏港人一樣不快樂。物質上滿足並不能紓解我心中不安。




德蘭修女所建立的"垂死者之家"，每年吸弔全球數以百計義工到來協助街頭流浪者。在印度生活了一個月，李麗蕊遇到不少來自世界各地的同道中人，一同向可憐皂病人施以援手。



移民唔撈



永無止境的慾望令阿蕊的壓力越來越大，最後變得越來越唔開心。




"當我揾到一白萬時，又想追求三百萬，永無止境追求落去，反而令自己更加唔開心。我開始問自己人生究竟需要咩？後來我睇好多唔同心靈書籍，改變我人生觀，開始做有意義的事，例如做義工。見到唔同國籍、背景、信仰的人都放低自己一切，走去呢個咁貧窮落後地方照顧垂死病人，真係好感動，好想學佢長住當地。"




去年年尾，阿蕊由印度當義工回港向新城請辭，但公司一直挽留。"我其實已經儲一筆錢，夠我當地住一段長時間。我連樓都睇埋，諗住買個單位長住。不過，一切都係初步諗法，因為有好多要考慮，而家港有好多未搞掂，所有都計劃緊。"




每年在"勁爆頒奬禮"當司儀的李麗蕊，在台上表現永遠亢奮，原來心底裡卻不快樂。早年的李麗蕊打扮狂野新潮，如今返璞歸真，與昔日相比判若兩人。




滿街乞丐



印度是全球最貧窮的國家之一，有近八成人口每天生活費少於2美元(15.6港元)。在大城市孟買，便有過半人口(770萬)住在貧民窟，當地乞丐人數高逹30萬。

好文章. 好報道!