我想講嘅系「諗」嘢個「諗」字，即思考，而唔系「諗」住媽媽個「諗」。喺冇幾耐之前，我認識咗「恁」系「諗」嘅本字，爾家越來越覺得爾個「恁」字有意思。原因有三：

1）「恁」嘢系用個心嘅，所以爾個字從「心」旁系理所當然嘅。

2）「恁」嘢可以海闊天空，任意翱翔，「恁」字含「任」，有「任意」嘅意思。而「諗」字含「念」，只有「掛住」，而冇「天馬行空」嘅意思。

3）由於「恁」系本字，佢嘅普通話拼音「nen」同粵音接近，所以容易掌握。相反，「諗」嘅普通話拼音系「shen」，感覺上唔對路。

例句：「恁計仔」「恁頭」「恁𠶧佢」「恁真尐」「恁落又系」「恁縮數」「爾單嘢有得恁」

再講，爾個「諗」字，雖然原本冇「思考」嘅意思，但系有「掛念」嘅意思，大家可以試下用「掛」來代替，效果會更有味道。例如：
「我諗住媽媽」、「我掛住媽媽」
「淨系諗住食」、「淨系掛住食」