小弟有幸先拔頭籌，在新開“粵講粵樂”的標題下和大家分享一首很早期的粵語 RAP 流行曲。這就是1965年上官流雲先生的作品“鹹沙梨”，我估計這首歌當時是開了粵語RAP流行曲的先河，推出時比美國在1970年代才萌芽的 HIP-HOP MUSIC 還早了好幾年。 根據Wikipedia, the free encyclopedia：“Hip-hop music and culture formed during the 1970s when block parties became increasingly popular in New York City, particularly among African American and Latino youth residing in the Bronx”。作為以粵語為母語的我，也因這首歌而感到驕傲，很可惜當時的粵語RAP MUSIC沒有繼續發展，要到許多許多年後才再從現生機。



背景是廣東音樂"蕉石嗚琴"
我個花名叫做鹹沙梨，三餐食飯都係餸鹵味。今年計埋都有四十四呀，但係未曾置家就無屋企。有晚去海皮，想話食沙爹啦，撞啱隔離枱有位摩登嘅靚女。睇落好似我十幾年前嘅知己叫做歐陽摩妮喎。講起阿摩妮，同我係有段歷史既。果陣佢住響街頭，我就住響街尾。周不時兩個就偷偷地，唔係去拍拖呢，就係去睇戲呀。果Ｄ愛情既熱度升到，一百就零幾喎。真係快活就唔知時日過，樣樣都好少理。但係開講都有話啦，樂極會生悲喎，諗起上黎確係有道理。果陣撞岩Ｄ卡佬派黎幾架博命既轟炸機，今日就炸街頭，明日就炸街尾。聞得話炸正摩妮既屋企，咁就唔知佢生共死啦。宜家事隔左廿幾年，係人都已斷生死喇。唉！唔知點解我咁鐘意佢喎，見親女人我就唔想追，唔係摩妮我就唔想娶。誰知呢次會撞岩佢喎，咁就走埋去攬住佢啦。想話唱番幾句哭相思，吟番兩咀就離情淚。點知突然間幾條大漢就標埋黎喎，打到我扒落地。有Ｄ話要拆骨，有Ｄ話要剝皮。知我者話係認錯人，唔應打到就咁犀利啦。真係好事不出門，壞事就傳千里。呢件冤枉嘅野咁就傳到個衰經理，佢話我係斯文既敗類，立即就將我份工作就黎辭退。呢次你話抵死，唔抵死呢你話抵死唔抵死？

上官流雲（1922-2002）
簡介：1922年出生於馬來西亞，並在一個蕉風椰雨的小市鎮加央埠寄養長大，原籍海南。1946年成為新加坡公民。他的童年生活坎坷清苦，據稱不曾入學受教育。雖然如此，但憑他的天賦及數十年的自我教育，他的學問由無到有，從薄到厚，自成一格，在藝術闖出超越自己想像的成就。早在四、五十年代，他便開始創作樂曲，由於他所創作的曲詞，旋律優美，詞簡意濃又容易上口，甚得歌迷大眾的喜愛，且有持久不衰的長壽紀錄。他在1941年創作的流行曲“午夜香吻”，和在1965年與“鹹沙梨”同期發行的“行快的啦”和“一心想玉人”，也曾是東南亞和香港家傳戶曉的金曲。上官流雲的一生，從戲班演到歌壇，又從話劇走上電影，他對藝壇的貢獻是多姿多彩的。他於2002年逝世。