stranger 寫道:
幾位音樂大佬、前輩喺度討論緊Blues、南音及Jazz呢類源頭均來自草根階層,甚至可以話係受欺壓的一羣的音樂, 都好有感染力。 有感而發, 凡於困苦的生活、落泊的人生所拼發出來的藝術(不論是音樂或是舞蹈形式),都擁有一種魅力,一種掙扎求存的生命力。
喺舞蹈領域中, 也有一些源自低下階層,貧苦生活的民間舞蹈,都共同散發着激情澎湃的生命魅力。 Flamenco係源自西班牙南部Andalusia區嘅民族舞蹈,當中亦滲入不少Gypsy元素, 生活流放漂泊, 艱苦貧困, 將生活的悲、怒、喜、樂、哀傾注於腳上, 噼噼啪啪地渲洩着, 一般都以即興的形式去自由發揮生活所感, flamenco之中有多種猤同節拍的音樂舞蹈模式, ,去表達猤同的情緒。另一種同屬地中海文化的民族舞Belly dance, 於男專女卑嘅中東世界, 自已屋企嘅女人,包括老婆同女兒,就層層包裹至只淨一雙眼, 而盛行嘅舞蹈却性感誘惑, 反映其極端的人性矛盾, 而belly dance亦只係風月場所,女人賣藝謀生嘅舞蹈, 女人喺中東世界係受欺壓嘅一羣, 越起勁扭動,越冶艷撩人,就越能在男人世界中掙扎求存。至於拉丁文化中嘅亞根廷探戈, 同樣係來自低下階層嘅酒館, 勞苦嘅工人與酒吧女郎,一個買一個賣, 於浪漫綺膩的三分鐘,追尋美夢, 忘却生活的磿難, 所以有人形容亞根廷探戈係”three minutes love affair”, 很有醉生夢死的侃味, 即興嘅舞蹈形式, 沒有精細嘅彩排,亦唔會被所謂標準步法所規範, 因為Argentine Tango係勞苦大眾生活嘅一部份, 並唔係表演。相比被歐洲貴族標準化嘅Ballroom Tango, 個人覺得,Ballroom Tango富麗有餘,却味道不足。
Flamenco, Belly dance, Argentine Tango同樣都散發着火辣辣、活脫脫的生命魅力, 正如Blues, 南音以至Jazz, 有生活內容,自然有感染力。