東哥所寫的就是粵音的「九聲六調」，真的辛苦了！
在下亦不嫌鄙陋，擬作補充；惜家中的Keyboard發霉兼漏電，胡琴亦早經風雨蛀蝕，手上無樂器可用，只能「斷估」。或有疏誤，還請東哥哂正。

陰平聲的調值是55/53，陰上聲的調值是35，這中間的音程(interval)頗有分距，似不宜將兩者都定調為Ra音。
故此我認為將陰平聲定調為Mi、陰上聲定調為Ra，這樣較為適宜。

在下再將詩經<關睢>篇譯譜如下。藍色為低音

關關雎鳩，mi mi mi mi
在河之洲。la so mi mi
窈窕淑女，do do la do
君子好逑。mi ra do so

另陽上聲的調值是13，陽去聲的調值是22，我亦認為陽上聲可分別定調在Ti或Do兩個音(視乎情況)。
____________________

提起詩經<關睢>我就把幾火，關關雎鳩既「鳩」，我地以前係讀成粗口既9，即係on9既9，早輪電子媒介將日本前首相鳩山由紀夫，讀做(溝)山由紀夫，我個人亦冇乜所謂。但係中大班語言正音專家，就唔敢出句聲話應該要讀做(9)山由紀夫。

我查過韻書既「溝」字，得到既讀音係「居侯」切，(居)係Geo、聲母係G，(侯)係Hau、韻母係au，，「居侯」兩個字反切出黎係(Gau)陰平聲，正正就係讀做On9既9，呢班正音專家平時就話要將「糾紛」讀做(久)紛，「機構」要讀成機(救)，話咁讀法係依循<廣韻>(宋朝既官方字典)既讀法，既然佢地咁鍾意呢個G聲母，點解「溝通」又唔夠膽話要讀做(9)通？