唔好爾為【食貓面】係“食貓麵”，請人“食貓面”，即係“燶口燶面”，畀面色人睇。聽講，“食貓面”唔單只唔系“麺”，而且與“食”同“貓”都毫無關係。其實系音誤。

原來本字系【識貌面】，即系畀個貌面你識。“貌面”即嘴臉、眉頭眼額、面色……肯定系唔高興咖喇，黑口黑面噉好難頂。如果喜氣洋洋開懷歡笑，又何須“識”咁自律，戰戰兢兢？所以邇個詞系負面嘅。識時務知進退，自己衡量，有錯就認，鬧就企定。匸政壇商界名利圈，總有人騎住你食住你，所以你要學習去識他嘅貌面。忍辱負重，臥薪嚐膽，當你高升、掌權，便等人地邌辨識你嘅嘴臉嘞。