我都join過赤柱的wholala玩過,
但後來因事忙關係冇再玩.
在香港搞street music有太多限制，
乜都要申請一輪．
據聞當初赤柱大街冇乜遊人時，佢地好歡迎wholala去表演，
不過舊年開始，據聞那裡的酒吧／商店生意已大有起色，
卻嫌佢地嘈，要佢地搬去海旁側，最後有關方面更唔批准佢地擺檔唱歌，
以上只是聽聞，發展經過相信你們會更清楚．
家陣佢地去左維園同星光大道搞，都叫做有個表演場地．
不過我始終覺得，這樣就變成是將一場表演搞在戶外做，
漸漸與街頭音樂有點不同．但在香港已很難得, 值得支持.
(而且好在仲有青韻HOUSE PARTY , 擦下鞋先 )

曾見過一後生仔在旺角百老滙開amp彈結他唱歌，
（同羅金榮彈木結他唔同, 佢係彈電結他, 之前見過佢晌火車站天橋開咪）
冇耐就有差人嚟查佢身份証，話有人投訴佢太嘈．
（但係NEWWAY播出嚟D　 K歌仲大聲又冇人理）

雖然個差人冇阻止佢唱落去，但佢都好快冇癮咁收檔．
從此可見香港人對街頭音樂接受性依然好保守．

舊年曾經在大會堂睇過一個大陸流浪結他歌手／組合的匯演，　
請了多位真正是在大陸流浪各地唱歌的歌手表演，一邊還播出其在街上唱歌的幻燈片．
他們有自己的風格及作品，技術亦不錯，佢地唔出名，
但有好多人去捧場，仲有好多西人去睇．
會後，仲好多人去買佢地的CD作為支持．
香港的街頭音樂，唔通真是要搬上舞台，才能為人接受？


前年有一晚在沖繩島上的一條街頭旁，有幾個日本仔拿著結他，自彈自唱，
悠閒自得，最衰唔識日文，唔係可以一齊玩下．
享受下異地街頭音樂的樂趣．